काठमाडौं- भारतीय विदेश मन्त्री एस जयशंकरले पहिलो विदेश भ्रमण छिमेकी भुटानबाट सुरु गर्ने भएका छन् ।
भारतीय विदेश मन्त्रालयका अनुसार दुई दिने भ्रमणमा निस्कन लागेका उनी शुक्रबार भुटान प्रस्थान गर्ने छन्।
पूर्व विदेश सचिव रहेका उनलाई नरेन्द्र मोदीले विदेश मन्त्रीको जिम्मेवारी दिएका थिए। उनको यो भ्रमणलाई मोदी भ्रमणको तयारी समेत ठानिएको छ।
मोदीले आफ्नो दोस्रो कार्यकालको पहिलो विदेश भ्रमणका लागि कुन देश रोज्छन् भन्ने अझैँ स्पस्ट नभए पनि जयशंकरको भ्रमणले मोदीले त्यसका लागि भुटान नै रौज्ने संकेतका रुपमा हेरिएको छ।
मोदीले पहिलो कार्यकालमा पनि भुटानबाटै भ्रमण थालेका थिए । यद्यपी भारतीय मिडियाले मोदीले हिन्द प्रशान्त क्षेत्रमा रहेको माल्दिभ्सबाट सुरु गर्ने समेत अनुमान गरेका छन्।
भुटान भ्रमणमा रहदा जयशंकरले त्यहाँका राजा, प्रधानमन्त्री र नागरिकहरुसँग पनि साक्षात्कार गर्ने छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
