काठमाडौं– आइसिसी क्रिकेट विश्वकप २०१९ अन्तर्गत वर्षाले प्रभावित खेलमा श्रीलंकाले अफगानिस्तानलाई डिएल मेथडको आधारमा ३४ रनले पराजित गरेको छ।
अफगानिस्तानले टस जितेर पहिले फिल्डिङ गर्ने निर्णय गरेपछि ब्याटिङ गरेको श्रीलंका ३६.५ ओभरमा २०१ रनमा अलआउट भयो। उसका लागि कुशल परेराले ७८ रन र दिमुख करुणारत्नले ३० रनको योगदान दिए। लाहिरु थिरिमाथेले २५ रन जोड्दा अन्य ब्याट्सम्यान सस्तैमा आउट भए। बलिङमा अफगानिस्तानका मोहमद नाबीले ४ विकेट लिए। रासिद खान र डाउलात जार्डानले २–२ विकेट हात पारे।
वर्षाले खेल प्रभावित हुँदा दोस्रो इनिङको खेल ४१ ओभरमा घटाइएको थियो भने अफगानिस्तानलाई १८७ रनको लक्ष्य दिइएको थियो। अफगानिस्तानका लागि जाजाइले ३० रन जोडे भने नाजिबुल्लाह जार्डानले ४३ रनको योगदान दिए। गुल्बादिन नइबले २३ रन जोड्दा अन्य ब्याट्सम्यानले उल्लेख्य रन जोड्न सकेनन्। बलिङमा श्रीलंकाका लासिथ मालिङ्गाले ३ विकेट लिए भने नुवान प्रदीपको नाममा ४ विकेट रह्यो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1772777462.png)
