लन्डन- अमेरिकी राष्ट्रपति डोनाल्ड ट्रम्पले बेलायतको युरोपेली संघ (इयू)बाट बहिर्गमन भएसँगै अमेरिका–बेलायतबीच ‘निकै अर्थपूर्ण’ व्यापार सम्झौता गर्ने बेलायती प्रधानमन्त्री थेरेसा मेसँग मङ्गलबार भएको भेटमा बताएका छन्।
अमेरिकी राष्ट्रपतिले ब्रेक्जिट प्रक्रियालाई अगाडि बढाउने क्रममा मिलेको असफलतासँगै बिदा लिने मनस्थितिमा पुगेकी बेलायती प्रधानमन्त्री मेसँग उच्च व्यवसायी तथा मन्त्रीहरूसँगको संयुक्त भेटका क्रममा भने, 'मलाई लाग्छ अमेरिका र बेलायतबीच निकै अर्थपूर्ण व्यापार सम्झौता हुनु जरूरी छ, जुन निकै स्वच्छ तथा स्पष्ट सम्झौता हुनेछ।'
उनले थपे, 'हामीले सम्झौता गरेर नै छाड्नेछौँ।'
बेलायतमा प्रधानमन्त्रीको ब्रेक्जिट सम्झौतालाई अनुमोदन गराउने पहललाई संसद्ले पटक-पटक अस्वीकार गरेपछि मेले प्रधानमन्त्रीबाट बिदा लिने मोडमा रहेको उनको निकट रहेका सहयोगीहरूले पटक-पटक दोहोर्याउँदै आएका समय अमेरिकी राष्ट्रपतिले भने प्रधानमन्त्री मेले ‘असाधारण कार्य’ गरिरहेको ठट्यौली प्रतिक्रिया दिएका हुन्। अमेरिकी राष्ट्रपतिको बेलायत भ्रमणका क्रममा कतिपय समूहहरूले उनको भ्रमणप्रति नै विरोध जनाइरहेका पनि छन्।
यसैबीच, मध्यपूर्वको शान्तिका लागि ट्रम्पका सल्लाहाकार जरेद कुस्नरले मङ्गलबार ब्रसेल्समा यूरोपेली नेता जाँ क्लाउड यङ्करलगायतका नेताहरूसँग भेट गरेका छन्।
लन्डनमा रहेका कुस्नर अमेरिकी शान्ति योजनासहित युरोप जाने र यस विषयमा त्यहाँका नेताहरूसँग भेटेका र मध्यपूर्वको शान्ति तथा भू-राजनीतिक विषयमा छलफल गरेका बताइएका छन्। रासस/एएफपी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
