पर्सा– आफुहरुले पाउने पुरा तलब नपाएको भन्दै वीरगञ्जमा म्यादी प्रहरीहरुले जिल्ला प्रहरी कार्यालय अगाडि विरोध प्रदर्शन गरेका छन्। प्रहरीले आफुहरुलाई सरकारले तोकेभन्दा कम तलब दिएको उनीहरुको आरोप छ ।
जिल्ला प्रहरी कार्यालयले भने सामाजिक सञ्जाल र केही अनलाइनहरुको गलत सूचनाका आधारमा म्यादीहरुले आन्दोलन गरेको जनाएको छ। म्यादीहरुले ६४ हजार रुपैयाँ पाउनुपर्ने माग गरेका छन् । तर, उनीहरुले ४८ हजार रुपैयाँ मात्र पाएका छन् । गलत हल्लाको भरमा म्यादी प्रहरीहरुले प्रदर्शन गरेको पर्साका प्रहरी प्रमुख डा.गणेश रेग्मीले बताए ।
आफुहरुले सरकारले तोकेअनुसार ५५ दिनको तलब, रासन भत्ता, चुनाव गरेर ४८ हजार ९ सय ४३ रुपैयाँ दिएको उनको भनाई छ । तर, म्यादीहरुले ६४ हजार पाउनुपर्ने भन्दै आन्दोलन गरेका छन् ।
के के पाउँछन् सुविधा ?
म्यादी प्रहरीहरुले प्रहरी जवानको बराबरको मासिक १७ हजार २ सय ३० रुपैयाँ तलब पाउछन् । ५५ दिनको उनीहरुले ३१ हजार ५ सय ८८ रुपैयाँ पाउछन् । त्यस्तै राशन भत्ता, सात दिनको ५ सयका दरले खाजा भत्ता, ४ हजार रुपैयाँ कपडा भत्ता तर एक हजार रुपैयाँ बाटो खर्च पाउँछन् । हरेक जिल्लाको रासनभत्ताको दररेट फरक हुने भएकाले जिल्लाअनुसार उनीहरुले पाउने तलबभत्ता फरक फरक हुन्छ । विवाद नहुनका लागि सबै म्यादीहरुको तलब/भत्ता बैंकमार्फत दिने व्यवस्था गरिएको प्रहरी प्रधान कार्यालयले जनाएको छ । गलत हल्लाका कारण स्थानीय तहको चुनावको बेलामा पनि केही जिल्लामा म्यादीहरुले आन्दोलन गरेका थिए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_9DjWlLHwUU-1748326423.jpg)
-1749384056.png)
