काठमाडौं- सिभिल बचत तथा ऋण सहकारी संस्थाले आफू वित्तीय चुनौती र आर्थिक समस्याबाट गुज्रिरहेको भन्दै अन्तर सहकारी ऋणका लागि विभिन्न सहकारी तथा वित्तीय संस्थालाई आग्रह गरेको छ।
पछिल्लो समय सिभिल सहकारीको वित्तीय अवस्था कमजोर हुँदै गएको र बचतकर्ताको रकम जोखिममा रहेको समाचार आउन थालेपछि आज जिल्ला सहकारी संघ काठमाडौंले सिभिल सहकारीको वास्तविक अवस्थाका बारेमा बुझ्न एक कार्यक्रम आयोजना आयोजना गरेको थियो।
उक्त कार्यक्रममा सिभिल बचत तथा ऋण सहकारी संस्थाका अध्यक्ष, पूर्व अध्यक्ष, सञ्चालक, सिभिल सहकारीलाई ठूलो रकममा ऋण लिएको राष्ट्रिय सहकारी बैंकका प्रतिनिधि तथा सहकारी महासंघ, वस्तुगत संघ तथा जिल्ला संघका प्रतिनिधिलार्ई बोलाइको थियो।
सिभिल सहकारीका पूर्व अध्यक्ष तथा सिभिल ग्रुपका अध्यक्ष ईच्छाराज तामाङले पछिल्लो एक वर्षदेखी सिभिल सहकारीका विषयमा लगातार रुपमा समाचार सम्प्रेषण हुन थालेपछि बचतकर्ताहरुले आफ्नो बचत रकम फिर्ता लिने क्रममा बढेको र सोही कारण संस्थामा तरलता समस्या देखिएको बताए।
पत्रकार सम्मेलनमा ऋण प्रवाहका लागि आग्रह गर्दै सहकारीका पूर्व अध्यक्ष इच्छाराज तामाङ।
‘हाम्रो सहकारीको वासलात हेरेर तपाईहरुले एक दुई करोड सम्म सहयोग गरिदिन पर्यो । हामीले सांकेतिक सहयोग पनि मागेका हौं। अहिले हामीलाई समस्या परेको छ। सहयोग गर्नुहोस। कुनै दिन तपाईहरुलाई समस्या पर्दा हामीले पनि गर्न सक्ने काम गछौं,’ तामाङले भने।
छलफल कार्यक्रममा सहभागि सहकारी संस्था तथा संघका प्रतिनिधिहरुले पनि एउटा सहकारी आर्थिक रुपमा धराशायी हुँदा त्यसले समग्र सहकारी आन्दोलनमा नै असर पुर्याउने भन्दै आफुहरु आवस्यक सहयोगका लागि तयार रहेका धारणा राखेका छन्।
सिभिल सहकारीले अहिले देखिएको तरलता व्यवस्थापन गर्न सञ्चालकहरुबाट प्रत्येक दिन एक करोड ५० लाख रुपैयाँ उठाईरहेको छ। यसरी एक महिना भित्रै ४५ करोड रुपैयाँ जम्मा गर्ने रणनीति उसले लिएको छ। त्यसैगरी सिभिल ग्रुप अन्तर्गत सिभिल सहकारीको ५० प्रतिशत स्वामित्व भएको सुन्धारामा रहेको सिभिल मल बेच्ने सम्मको तयारी उसको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
