तस्बिरः संग्रौलाको फेसबुक पेज
काठमाडौं- सरकारको काम कारबाहीको अनुगमनका लागि प्रतिपक्षी नेपाली काँग्रेसले बनाएको छाँया सरकारको श्रम, रोजगार तथा सामाजिक सुरक्षामन्त्री डा डिला संग्रौलाले सरकारले स्वदेशमै रोजगारीका अवसरहरु सिर्जना गर्न जोड दिनुपर्ने भन्दै प्रतिनिधि सभा बैठकमा धारणा राखेकी छन्।
सोमबार बसेको प्रतिनिधिसभा बैठकको शून्य समयमा छायाँ सरकारकी श्रम मन्त्री संगौलाले सो धारणा प्रस्तुत गरेकी हुन्।
बैठकमा बोल्दै संग्रौलाले भनिन्, ‘सरकारले नेपालमा अव आगामी वर्षमा ५ लाख युवाहरुलाई देशभित्रै रोजगारीका अबसर सिर्जना गर्ने उल्लेख गरेको छ तर ५ लाख युवाहरुलाई रोजगारी सिर्जना हुने हिसाबले काम अगाडी बढाउन सरकार असमर्थ बनिरहेको छ, तसर्थ पहिले सरकारले रोजगारीका अवसर सिर्जना हुने वातावरण सिर्जना गर्नुपर्छ।’
नेपाली कामदारहरु वैदेशिक रोजगारीमा जानैपर्ने बाध्यकारी अवस्था रहेको हुँदा रोजिरोटीका लागि वैदेशिक रोजगारीमा जानैपर्ने अबस्थाका कामदारहरुका लागि गन्तव्य मुलुकसँग श्रम सम्झौता गरेर कामदार पठाउनुपर्ने संग्रौलाले बताइन्।
नेपाली कामदारहरुको गन्तव्य मुलुकका रुपमा रहँदै आएको मलेसियासँग सरकारले कामदारको हकहितसहित शून्य लागतको श्रम सम्झौता गरीसकेकाले सम्झौता अनुसार कामदार मलेसिया पठाउन सरकारले पहल गर्नुपर्ने उनको धारणा थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
