काठमाडौं- तेस्रो हिमालयन ट्राभल मार्ट यही जेठ २३ गतेदेखि काठमाडौंमा सुरु हुने भएको छ।
नेपाललाई हिमालय प्रवेशद्धारको रुपमा परिचित गराउँदै पर्यटन प्रर्वद्धन गर्ने उद्देश्यका साथ सन् २०१७ देखि वार्षिक रुपमा हिमालयन ट्राभल मार्ट हुँदै आएको छ।
मार्टको प्रमुखउद्देश्य नेपाललाई हिमाल प्रवेशद्धार तथा साहसिक पर्यटकीय गन्तव्यको रुपमा विश्व सामु स्थापित गर्ने रहेको छ।
हिमालयन मार्ट नेपाललाई अन्तर्राष्ट्रिय रुपमा चिनाउने सशक्त ब्रान्डको विकसित भएको पर्यटन बोर्डका सिइओ दीपकराज जोसीको भनाइ छ।
संस्कृति, पर्यटन तथा नागरिक उड्डयन मन्त्रालय, पर्यटन बोर्ड, नेपाल वायु सेवा निगम तथा पाटा अन्तर्राष्ट्रिय एवम पर्यटन क्षेत्रका विभिन्न संघ संस्थाहरुको सहयोग, समन्वय तथा सहकार्यमा प्यासिफिक एसिया ट्राभल एशोसिएसन (पाटा) नेपाल च्याप्टरको आयोजनामा मार्ट हुन लागको हो।
मार्टमा ३० देश विश्वव्यापी क्रेता कम्पनीहरु र ६ वटा मुलुक (नेपाल, भारत, पाकिस्तान, चीन, भुटान र थाइल्यान्ड) बाट ५४ क्रेता कम्पनी तथा संस्थाहरुले सहभागिता जनाउने छन्।
मार्टमा ३८ जना अन्तर्राष्ट्रिय ट्राभल ब्लगर्स तथा मिडिया प्रतिनिधि समेत सहभागी हुनेछन्।
समग्रमा मार्टमा नेपाल सहित ४२ देशका करिब ७ सय जनाको सहभागिता हुनेछ।
एड्भेन्चर टुरिजम नेपालमा स्थापित भइसकेको सन्दर्भमा नेपाललाई हिमालय प्रवेशद्धारको रूपमा विकास गर्न मार्टले सहयोग पुग्ने नेपाल पर्यटन बोर्डका कार्यकारी निर्देशक जोशीले बताए।
यो मार्ट विदेशी पाहुना बोलाएर नेपालको गन्तव्य बेच्नुका साथै विदेशी मिडियामार्फत देशको पर्यटनसम्बन्धी प्रचारप्रसार गर्ने अवसर भएको पाटा नेपाल च्याप्टरका अध्यक्ष सुनिल शाक्यको भनाइ छ।
‘मार्टमार्फत नेपालका टुर अपरेटरलाई व्यापार प्रवद्र्धन गर्ने अवसर मिल्छ’, उनले भने, ‘मार्टमा अन्तर्रा्ष्ट्रिय क्षेत्रबाट नेपालको पर्यटकीय सामान खरिद गर्न टुर अपरेटरको उपस्थितिले नेपालका पर्यटन व्यवसायीलाई खुसी बनाउनेछ।’
मार्टले सन् २०२० मा २० लाख पर्यटक नेपाल भित्र्याउने सरकारी लक्ष्यमा सहयोग र्पुयाउने उनको भनाइ छ।
मार्टमार्फत हिमालयन पर्यटन विकास, इनोभेसन र मार्के्टिङ क्षेत्रको विस्तारका लागिसमेत सहयोग पुग्ने उनको दाबी छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
