लाम- नेकपा एमालेका नेता एंव इलाम क्षेत्र नं २ का प्रतिनिधिसभा सदस्य सुवास नेम्वाङले वाम गठबन्धनले जनतासँग गरिएका वाचा पूरा गर्ने बताएका छन्।
मतदातालाई धन्यवाद ज्ञापन गर्न आज इलामको फाकफोकथुम गाउँपालिकास्थित कोल्बोटेमा आयोजित कार्यक्रममा उनले भने, 'हामी जनतासँग निर्वाचनपूर्व गरिएका वाचा पूरा गर्छौं। जनतालाई आश्वासन होइन, विकास दिन्छौँ।'
मतदाताकै अपार माया र विश्वासले निर्वाचन जितेको भन्दै उनले विकासको चाहना पूरा गरेरै छोड्ने दोहोर्याए।
'इलामको २ नं क्षेत्र कर्णाली जस्तै अविकसित छ, यहाँ विकास निर्माण गरेर सुन्दर बनाउने जिम्मा पाएका छौँ,' उनले थपे, 'विकास र समृद्धि यस क्षेत्रको आवश्यकता हो।'
इलाम क्षेत्र नं २ (ख) का प्रदेशसभा सदस्य धीरेन्द्र शर्मा (रमण) ले जनताले चाहेको आर्थिक र समृद्धिको सुरुवात गरिने बताउँदै विकास पूर्वाधारलाई पहिलो प्राथमिकता राखिने धारणा व्यक्त गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749384056.png)
-1749367495.jpg)
