नयाँ दिल्ली– १८ वर्ष ६९ दिनमा भारतीय क्रिकेट टिममा समावेश भएका बलर वासिङ्टन सुन्दरको विषयमा एउटा रोचक जानकारी बाहिरिएको छ।
उनले ‘चाइनामेन बलर’ कुलदीप यादवको स्थानमा श्रीलंका विरुद्ध ‘डेब्यु’ गरेका छन्। उनी भारतीय क्रिकेट इतिहासमा कान्छो उमेरमा क्रिकेट खेल्ने सातौं खेलाडी हुन्। सबैभन्दा कान्छो उमेरमा अन्तर्राष्ट्रिय क्रिकेटमा डेब्यु गर्ने भारतीय खेलाडी सचिन तेन्दुलकर हुन्। सचिनले १६ वर्ष २ सय ३८ दिनमा अन्तर्राष्ट्रिय क्रिकेटमा डेब्यु गरेका थिए।
आइपिएलमा यसअघि नै उत्कृष्ट प्रदर्शन गरिसकेका वासिङ्टनले एउटा कान सुन्दैनन्। उनको यो समस्या सानैदेखिको हो। उनी ४ वर्षको हुँदा कानमा समस्या आएको थियो। कानको उपचारका लागि उनकी आमाले थुप्रै चिकित्सकसँग सल्लाह पनि गरेकी थिइन्। तर, पछि स्पष्ट भयो, यसको उपचार हुन मुस्किल छ।
सुन्दर निकै मिहिनेति खेलाडी मानिन्छन्। उनी २०१६ मा तमिलनाडुको रणजी टिममा समावेश भएका थिए। लगत्तै उनी आइपिएल टोलीमा समावेश भए। उनी आइपिएलमा राइजिङ पुणे सुपरजाइन्ट्सबाट खेल्छन्।
भारतबाट कम उमेरमा डेव्यु गर्ने क्रिकेटर
सचिन तेन्दुलकरः १६ वर्ष २३८ दिन
मनिन्दर सिंहः १७ वर्ष २२२ दिन
हरभजन सिंहः १७ वर्ष २८८ दिन
पार्थिव पटेलः १७ वर्ष ३०१ दिन
लक्ष्मी शुक्लाः १७ वर्ष ३२० दिन
चेतन शर्माः १७ वर्ष ३३८ दिन
वासिङ्टन सुन्दरः १८ वर्ष ६९ दिन
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749367495.jpg)
