एजेन्सी - च्याम्पियन्स लिग फुटबलको अन्तिम १६ को ‘ड्र’ सार्वजनीक भएको छ । आज सार्वजनीक ‘ड्र’ अनुसार प्रिमियर लिग क्लब चेल्सीले स्पेनिस महारथी बार्सिलोनासंग प्रतिस्पर्धा गर्नेछ । अर्को इङ्लिस क्लब टोटनह्यामले इटालियन च्याम्पियन युभेन्टससंग खेल्ने तय भएको छ। प्रिमियर लिगको जारी सिजनमा अपराजित रहेको टोली म्यान्चेष्टर सिटीले स्विटजरल्याण्डको बासेललाई प्रतिद्वन्दी पाउदाँ जोसे माउरिन्होको म्यान्चेष्टर युनाईटेडले ला लिगा क्लब सेभिल्लासंग खेल्ने तय भएको छ।
अर्को इङलिस क्लब लिभरपुलले पोर्चुगलको पोर्टोसंग प्रतिस्पर्धा गर्ने भएको छ । साविक विजेता रियाल मड्रिडले फ्रान्सको खर्चिलो क्लब पेरिस सेन्ट जर्मेन पिएसजीसंग भिड्ने छ, जहाँ रियाल स्टार रोनाल्डो र विश्व फुटबलका महङ्गा खेलाडी नेयमारको भेट हुनेछ । प्रिमियर लिगका पाँच क्लबले यस पटक नकआउट चरण पुग्न सफल भएका छन् । समुह चरणमा विजेताका रुपमा नकआउट चरण पुग्ने चेल्सी एक्लो इङलिस टोली हो । तर ड्र अनुसार चेल्सीले सबै भन्दा कठिन प्रतिद्वन्दी बार्सिलोनालाई पाएको हो । सन् २०१२ मा चेल्सीले सेमिफाईनलको खेलमा बार्सालाई पराजित गरेको इतिहास छ । अर्को खेलमा १३ औ पटक ट्रफी उचाल्ने लक्ष्य लिएको स्पेनिस महारथीले खर्चिलो क्लब पीएसजीलाई प्रतिद्वन्दी पाएको छ । अन्तिम १६ को पहिलो लेग अर्को महिनाको १३/१४ तारिखमा हुनेछ । दोस्रो लेग त्यसको एक हप्तापछि सुरु हुनेछ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749200817.png)
