काठमाडौं– राष्ट्रिय जनता पार्टी (राजपा) नेपालका अध्यक्ष मण्डलका संयोजकसहित चार जना नेताले जित हात पारेका छन्। संयोजक महन्त ठाकुर, सदस्यहरु राजेन्द्र महतो, अनिलकुमार झा र महेन्द्र यादव विजयी भएका छन्। ६ सदस्यीय अध्यक्ष मण्डलका बाँकी २ नेताले पनि अग्रता लिएका छन्।
महोत्तरी क्षेत्र नम्बर ३ बाट विजयी भएका ठाकुरले नेकपा एमालेका विजयकुमार चौधरीलाई पराजित गरेका हुन्। अर्का सदस्य महतोले धुनषा ३ मा नेपाली कांग्रेसका पूर्वमहामन्त्री विमलेन्द्र निधिलाई पराजित गरे।
अध्यक्ष मण्डलकै अर्का नेता झाले रौतहट १ बाट नेपाली कांग्रेसका कृष्णप्रसाद यादवलाई हराएका हुन्। यस्तै, अध्यक्ष मण्डलका अर्का सदस्य महेन्द्र यादव सर्लाही २ बाट निर्वाचित भएका छन्।
अध्यक्ष मण्डलका अन्य दुई सदस्यले पनि मतगणनामा अग्रता लिएका छन्। अध्यक्ष मण्डलका नेता राजकिसोर सिराहा क्षेत्र नम्बर ४ मा माओवादीका नेता अजयशंकर नायकलाई पछाडि पार्दै अग्रस्थानमा छन्। यादवले १८ हजार २६ मत ल्याएका छन् भने नायकले १५ हजार ५ सय ७५ मत प्राप्त गरेका छन्।
अध्यक्ष मण्डलका नेता भण्डारीले पनि महोत्तरी २ मा अग्रता लिइरहेका छन्। भण्डारीले २० हजार ८ सय ४३ मत ल्याएका छन् भने उनलाई नेपाली कांग्रेसका किरण यादवले ८ हजार ४ सय ५२ मत ल्याउँदै पछ्याइरहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
