डडेल्धुरा- नेपाली कांग्रेसका वरिष्ठ नेता रामचन्द्र पौडेलले वर्तमान केपी ओली नेतृत्वको सरकारले समृद्धिको सिलन्यास समेत गर्न नसकेको आरोप लगाएका छन्।
डडेल्धुरामा आयोजित कार्यकर्ता भेटघाट कार्यक्रमलाई सम्बोधन गर्दै नेता पौडेलले यस्तो बताएका हुन्।
नेकपाको वर्तमान सरकारले १४ महिना सम्म समृद्धिका ठुला ठुला सपना बढने बाहेक केही काम गर्न नसकेको उनले दाबी गरे। उनले भने ‘बहुमतको सरकार भन्छन्। आएको १४ महिना भैसक्यो। के गरे? हामीले बनाएका सडकहरु, पुलहरु, भवनहरु, नहरहरु उद्घाटन गर्न बाहेक कहाँ नयाँ के गरे त? कुन कलकारखाना कुन उद्योग सुरुवात भयो?'
अहिलेको सरकारको पहिले प्राथमिकता आफना नेता कार्यकर्ता कसरीलाई बजेट दिने वा बजेटलाई कार्यकर्ता मुखी बनाउने रहेको नेता पौडेलको भनाई छ। उनले थपे, 'काँग्रेसले जितेका स्थानीय तहमा बजेट नै नदिने यहि हो समावेशी लोकतन्त्र भन्दै नेकपाको सरकारलाई पक्षपाती सरकार हो।'
'सरकारमा केन्द्रीकरणको प्रवृत्ति देखा परेको छ। शासकहरू केन्द्रीकृत मानसिकतामा देखिएकाले सङ्घीयतामा आँच आउने स्थिति आएको छ,' उनको भनाइ थियो।
पार्टीको जाग/ण अभियान सञ्चालनमा रहेको समयमा नेपाली काग्रेसका सभापती शेरबहादुर देउवाको गृह जिल्लामा त कम्तीमा संगै आउनु पर्ने भने कार्यकर्ताको प्रश्नमा नेता पौडलले भने, 'जाउँ भनेकै हो उहाँले सिंगापुर कि कहाँ जानुपर्ने आउनु पाउनु भएन।'
वरिष्ठ नेता पौडेलले जिल्लाका नेता तथा कार्यकर्ताहरुले पनि नेपाली कांग्रेसको सिद्धान्तलाइ लिएर अब गाउँगाउँमा जनताको भावना जान निर्देशन गरेका थिए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।