नयाँ दिल्ली- भारतीय कलाकार जहिले पनि दर्शकलाई केही न केही नयाँ खुराक पस्किने दौडमा हुन्छन्। यसैकारण कैँयौं पुरुष कलाकार महिलाको भूमिका निभाउन समेत हिच्किचाउँदैनन्।
गोविन्दा, रितेश देशमुख, आमिर खान, कमल हसन, सदाशिव अमरापुरकर, आशुतोष राणाजस्ता कलाकारले महिलाको भूमिकामा आफूलाई अब्बल सावित गरिसकेका छन्।
यही सूचीमा पछिल्लो पटक अक्षय कुमारको नाम पनि जोडिएको छ। अक्षयले हालै सामाजिक सञ्जालबाट आफ्नो नयाँ फिल्म ‘लक्ष्मी बम्ब’ को पोस्टर सार्वजनिक गरेका छन्। उक्त पोस्टरमा अक्षय आँखामा गाजल लगाउँदै गरेको अवस्थामा देखिन्छन्। यसबाट के प्रमाणित हुन्छ भने उनले कुनै महिलाको भूमिका निभाएका छन्।
अक्षय फिल्म ‘खिलाडी’मा एक महिलाको सामान्य भूमिकामा देखिएका थिए।
भारतमा महिलाको भूमिकामा अभिनय गरेका कतिपय पुरुष कलाकारले वाहवाही बटुलेका छन्। सोही अभिनयकै कारण फिल्म सुपरहिट समेत भएका छन्।
आसुतोष राणा
सन् १९९९ मा बनेको फिल्म ‘संघर्ष’ मा आसुतोष राणाले महिलाको भूमिका निर्वाह गरेर धेरैलाई चकित बनाइदिएका थिए।
तनुजा चन्द्राद्वारा निर्देशित फिल्म संघर्षमा आसुतोष एक सनकी भिलेनको भूमिकामा देखिएका थिए। यो फिल्म सुपरहिट भएको थियो। यस फिल्मबाट आसुतोषले 'उत्कृष्ट भिलेन'को अवार्डसमेत हात पारेका थिए।
सदाशिव अमरापुरकर
भारतीय फिल्म क्षेत्रमा एक समय थियो, जुन समयमा भिलेनले हिरोलाई कडा चुनौती दिन्थ्यो। बलिउडमा यस्ता पनि भिलेन भए, जसको चर्चा अहिलेसम्म पनि हुने गर्छ।
त्यस्तै एउटा भूमिका थियो, सन् १९९१ मा बनेको फिल्म ‘सडक’ को महारानीको। सदाशिव अमरापुरकरले सडक फिल्ममा महारानीको भूमिका निभाएका थिए, जुन भूमिका महिला खलनायकको थियो। उनको अभिनयलाई धेरै रुचाइयो। उनले महारानीको यो भूमिकाको लागि अवार्डसमेत जितेका थिए।
प्रशान्त नारायणन
ठूलो पर्दामा कुनै कलाकारले यस्तो छाप छोडेका हुन्छन्, कहिलेकाहिँ वास्तविकतामा पनि त्यो कलाकारसँग मानिसहरु डराउने गर्छन्।
फिल्म ‘मर्डर २’ मा धीरज पाण्डेको भूमिका निर्वाह गर्ने प्रशान्त नारायणनले आफ्नो अभिनयबाट दर्शकलाई डर पैदा गराए र भिलेनको भूमिका उम्दा तरिकाले निर्वाह गरे।
कमल हसन
कमल हसनको फिल्म ‘चाची ४२०’ सन् १९९७ मा रिलिज भएको थियो। यस फिल्ममा उनी आफ्नी छोरीको लागि 'कामवाली बाई' (अर्काको घरमा काम गर्ने महिला) बन्छन्। उनलाई सबैले 'चाची' भनेर बोलाउँछन्।
यो फिल्मलाई दर्शकले खुब मन पराए। फिल्ममा उनी एक 'शक्तिशाली' महिलाको रुपमा देखिन्छन् जो, कैयौं गुण्डासँग एक्लै लड्छन्।
गोविन्दा
गोविन्दा जतिबेला फिल्ममा प्रवेश गरेका थिए, त्यतिबेला उनले अभिनय मात्र होइन अन्य काममा पनि छुट्टै छाप छोडेका थिए। उनको डान्स र संवाद बोल्ने तरिकाबाट दर्शक कायल थिए।
‘आन्टी नम्बर १’ सन् १९९८ मा प्रदर्शन भएको फिल्म हो। उक्त फिल्ममा गोविन्दाले महिलाको भूमिका निभाए र अत्याधिक सफल भए।
चाहे २०१३ को फिल्म ‘रज्जो’ मा महेश मान्जरेकर हुन् या तिग्मांशु धुलियाको फिल्म ‘बुलेट राजा’मा रवि किशनको भूमिका होस्। अथवा १९९७ मा निर्माण भएको फिल्म ‘तमन्ना’का परेश रावल नै किन नहुन्, उनी महिलाको भूमिकामा खरो उत्रिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
