गोरखा- गोरखा क्षेत्र नम्बर २ एउटा मतगणना स्थलमा स्थगित भएको गणना पुनः सुरु भएको छ। मतदाता संख्याभन्दा बढी मतपत्र भेटिएपछि विवाद उत्पन्न भई मतगणना राेकिएको थियो। गाेरखा-२ को चर्तुमाला मतदान केन्द्रमा मुचुल्कामा उठाएभन्दा बढी मतपत्र भेटिएपछि नयाँ शक्ति पार्टीका प्रतिनिधिले मतदान स्थगित गर्न भनेका थिए। ७ सय ३६ मत खसेकाेमा ४४ मत बढी भेटिएपछि उत्पन्न विवादलाई सर्वदलीय बैठकले टुंगो लगाएको हो। सम्बन्धित बुथका निर्वाचन अधिकृतलाई कारबाही गर्ने शर्तमा नयाँ शक्तिले पुनः मतदानका लागि सहमति दिएको छ। क्षेत्र नम्बर २ को दुई ठाउँमा गणना भइरहेकोमा एक ठाउँको गणना स्थगित भए पनि अर्को ठाउँको मत गणना भने जारी थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749200817.png)
