काठमाडौं– नेपाल प्रिमियर लिग (एनपीएल) को तेस्रो संस्करणमा बुधबार पोखरा एभेन्जर्सले सुदूरपश्चिम रोयल्सविरुद्ध पहिले ब्याटिङ गर्ने भएको छ ।
कीर्तिपुरस्थित त्रिवि अन्तर्राष्ट्रिय क्रिकेट मैदानमा टस जितेको सुदूरपश्चिमका कप्तान दीपेन्द्रसिंह ऐरीले पोखरालाई ब्याटिङको निम्तो दिएका हुन् ।
कुशल भुर्तेलको कप्तानीमा रहेको पोखराले यस खेलबाट प्रतियोगिताको यात्रा सुरु गर्दैछ । टोलीमा बंगलादेशका पूर्वविश्व नम्बर एक अलराउन्डर सकिब अल हसनसहित मेहदी हसन, श्रीलंकाका वेदागेदारा समराविक्रमा र धनञ्जय लक्षण खेलिरहेका छन् । त्यस्तै, दिनेश खरेल, अर्जुन घर्तीमगर, प्रतीक पोखरेल, विपिन खत्री, किरण ठगुन्ना र आकाश चन्द पनि टोलीमा छन् ।
पोखराको प्रशिक्षकमा श्रीलंकाका पूर्व स्पिनर अजन्था मेन्डिस छन् भने सुदूरपश्चिमको जिम्मेवारी मिसबाह उल हकले सम्हालिरहेका छन् ।
सुदूरपश्चिमले भने पहिलो खेलमा लुम्बिनी लायन्ससँग ७ विकेटको हार बेहोरेको थियो । दोस्रो खेलमा टोलीले कुनै खेलाडी परिवर्तन गरेको छैन । ऐरीको कप्तानीमा सैफ जैब, विनोद भण्डारी, आरिफ शेख, इशान पाण्डे, ब्रान्डन म्याकमलेन, सेरफन रदरफोर्ड, स्कट कुग्गेलाइन, अनिल खरेल, हेमन्त धामी र अविनाश बोहरा खेलिरहेका छन् ।
एनपीएलका अघिल्ला दुवै संस्करणमा फाइनल पुगेको सुदूरपश्चिमले अहिलेसम्म उपाधि जित्न सकेको छैन । पोखरा भने अघिल्ला दुई संस्करणमा प्लेअफसम्म पुग्न नसकेको एकमात्र टोली हो ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786801196.jpg)
-1786602170.png)
