काठमाडौं- भारतकी छोटो दूरीकी धाविका दुती चन्दले आफुले समलैङ्गिक सम्बन्धमा रहेको खुलासा गरेकी छन्। भारतको राष्ट्रिय टिममा रहदै एसियन गेम्समा पदक जितेकी उनले आफ्नै गाँउकी एक जना महिलासँग पाँच वर्षदेखि सम्बन्धमा रहेको बताएकी हुन्।
गत वर्ष भारतको सर्वोच्न अदालतले समलैङ्गित यौन सम्बन्धलाई अपराध नमान्ने फैलासा गरेपछि २३ वर्षीया चन्दले आफ्नो सम्बन्ध बारे बोलेको बताएकी छिन्। उनले आफ्नो सम्बन्धलाई आफ्नै परिवारका केहि सदस्यले अझै स्विकार नगरको बताएकी छिन्।
"मेरो गाउँ (चाका गोपालपुर) कै एकजना १९ वर्षीया युवतीसँग मेरो विगत पाँच वर्षदेखि सम्बन्ध रहेको छ," हाल हैदराबादमा प्रशिक्षणमा रहेकी उनले पत्रकारहरूलाई बताइन्।
"मैले मेरो आत्मीय मित्र भेट्टाएकी छु। प्रेम गर्ने स्वतन्त्रताको म सधैँ पक्षधर हुँ। प्रेमभन्दा ठूलो कुनै भावना छैन," उनले भनिन्।
विस्तारै भारतमा व्यवहारहरू बदलिन थालेको भए पनि चंदले समाचार संस्था पिटिआइसँग कुरा गर्दै उनको परिवारका केही सदस्यले उनको निर्णय नस्वीकारेको भन्दै उनकी दिदीले उनलाई परिवारबाट निकालिदिने धम्की दिएको बताइन्।
"मेरो दिदीलाई लाग्छ कि मेरी मित्रलाई केवल मेरो सम्पत्तिमा चासो छ। यो सम्बन्धका कारण उनले मलाई जेल पठाइदिने भनेकी छन्," चंदले भनिन्।
विश्वस्तर प्रतियोगिताको फाइनलमा पुग्ने चन्द पहिलो भारतीय धावक हुन्। सन् २०१३ को विश्व युवा च्याम्पियनसीपमा उनी फाइनलमा पगेकी थिइन्।
सन् २०१४ मा उनलाई भारतीय एथलेटिक्स महासंघले हर्मोन परीक्षणमा विफल भएको भन्दै उनीमाथि प्रतिबन्ध लगाएको थियो। उनमा अस्वाभाविक रूपमा धेरै टेस्टोस्टेरोन हर्मोन पाइएको थियो।
टेस्टोस्टेरोन भनेको पुरुषको यौन विकासको लागि जिम्मेवार मानिने हर्मोन हो।
तर पछि चन्दको कानुनी टोलीले सन् २०१५ को मार्च महिनामा महासंघको उक्त निर्णय विभेदपूर्ण तथा गलत रहेको पुष्टि गराउन सफल भएको थियो।
त्यसको लगत्तै सन् २०१६ को रियो ओलिम्पिक्समा उनी छानिएकी थिइन् र सन् २०१८ मा इन्डोनेसियामा भएको एसियाली खेलकूदमा दुईवटा रजत पदक जितेकी थिइन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
