काठमाडौं– इंग्ल्यान्डका ओपनिङ ब्याट्सम्यान जासन रोए बिहीबार रातभर सुतेका थिएनन्। भर्खर जन्मेकी आफ्नी छोरी विरामी भएपछि उनले हस्पिटलमा रात बिताएका थिए। शुक्रबार विहान हतार हतार घर पुगेका उनी दिउँसो मैदानमा उत्रिए। केही घण्टा सुतेका उनले पाकिस्तानविरुद्ध शतक प्रहार गरे।
पाकिस्तानविरुद्ध उनले ११४ रन बनाएपछि इंग्ल्यान्डले खेल जित्यो। उनको यो आठौं एकदिवसीय शतक हो। उनको शतकसँगै पाँच खेलको सिरिजको अन्तिम खेलअघि नै इंग्ल्यान्डले सिरिज कब्जा गर्यो।
आठौं शतक प्रहार गरेपछि रोएले अनिँदोका वाबजुद राम्रो खेल्न सकेको बताएका छन्। आफ्नी ७ हप्ताकी छोरी बिरामी परेपछि रोए राति हस्पिटल पुगेका थिए। विहान घर फर्किएका २ घन्टा मात्र सुतेर मैदान पुगेका थिए।
'बिहान राम्रो अवस्थामा थिएन। तर पनि राम्रो खेल्न सके। यो शतक मेरो र मेरो परिवारका लागि विशेष रह्यो,' रोएले भने,'हाम्री नानीलाई विहान साढे १ बजे अस्पताल लानु परेको थियो। विहान साढे ८ बजेसम्म त हस्पिटल मै थिए। त्यसपछि घर फर्किएर २ घन्टा सुते। वार्म अप भइरहेको बेला मैदान पुगे। साँच्चै यो भावुक शतक हो।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
