विश्व शान्तिदीपको ज्योति सगरमाथा आधार शिविरतर्फ

स्पोर्टस लाइभ

दीपक घिमिरे शनिबार, जेठ ४, २०७६ १८:२९

लुम्बिनी– बुद्ध जन्मस्थल लुम्बिनीमा रहेको पवित्र विश्व शान्तिदिपको ज्योती सर्वोच्च शिखर सगरमाथाको आधार शिविरतर्फ लगिएको छ। विगत तीन वर्षदेखि बुद्धिष्ट सर्किट डटकमको आयोजनामा ओलम्पियन वैकुष्ठ मानन्धरले शान्ति दीपको ज्योति आधार शिविर लग्दै आएका छन्।

२५६३ औं बुद्ध जयन्ती तथा प्रदेश सरकारले घोषणा गरेको लुम्बिनी भ्रमण वर्ष २०७६ को अवसरमा चौथोपटक ज्योति सगरमाथा तर्फ लगिएको हो। प्रधानमन्त्री केपी शर्मा ओलीले ज्योति बालेर एक फन्को शान्तिदीप वरिपरी फन्को लगाई ओलम्पियन मानन्धरलाई हस्तान्तरण गरे । पवित्र स्थल लुम्बिनीमा ओलम्पियनहरु बैकुन्ठ मानन्धर, कृष्ण बस्नेत, खडग रानाभाट, अन्तर्राष्ट्रिय खेलाडी शाहबानु खानले ज्योति लगेर सगरमाथा आधार शिविर पुग्ने आयोजक संस्था अध्यक्ष तथा लुम्बिनीका सद्भावना दूत विक्रम पाँडेकाजीले बताए ।

विगतमा समयानुकुल आधार शिविरतर्फ ज्योति लगिँदै आए पनि यसपटकबाट बुद्ध पूर्णिमाकै दिन लगिने आयोजकले जनाएका छन्। शान्ति दिपकोज्योतीसहित ओलम्पियन एवम धाबकहरु मायादेबी मन्दीर, अशोक स्तम्भ र पबित्र पुष्करनी कुण्डलाई तिन पटक परिक्रमा गरी लुम्बिनीमा रहेका बिभिन्न स्वदेशी एबं बिदेशी बिहारमा पुगेका थि । त्यस लगत्तै ज्योतीसहितको टोली कपिलबस्तु तिलौराकोटा, पबित्र बाण गंगा नदि हुँदै पुनः लुम्बिनीबाट भैरहवा हुँदै बुद्धअस्तु धातु रहेको स्थल रामग्राम (परासी) हुँदै सडकमार्ग बाट काठमाण्डौतर्फ लागेका छन्।

ज्योतीलाई काठमाण्डौ बौद्धनाथ, स्वयम्भु नाथमा बिशेष पुजा गरी सगरमाथा आधार शिबिरका लागी प्रस्थान गर्ने कार्यक्रम छ। ज्योतीसहित ओलम्पियनहरु सल्लेरी, फाप्लु, लुक्ला, नाम्चे बजार, स्यांगबोचे हुँदै मे २७ (जेष्ठ १३) का दिन सगरमाथा आधार शिबिरमा पुग्नेछन् । शान्ति दिपको ज्योतीलाई मे २८ र २९ मा (एभरेष्ट डे)का दिन सगरमाथा आधार शिविरको परिक्रमा गराईने छ । सोही दिन विश्वको सबैभन्दा अग्लो स्थानमा आयोजना हुने तेन्जिङ्ग हिलारी एभरेष्ट म्याराथन आयोजना हुने छ। दुई पर्यटकीय केन्द्र लुम्बिनी र सगरमाथा जोड्न कार्यक्रमले महत्वपूर्ण भूमिका खेल्ने आयोजकको विश्वास छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।