काठमाडौं– बागमती यात्राको चौथो दिन आज शंखमूलदेखी पशुपति क्षेत्रसम्म तिर्थालुहरूले यात्रा गरेका छन्।
नेमुनिको पालादेखि सुरु भएको विश्वास गरिने बागमती तीर्थयात्रा विसं २०३४ पछि हुन सकेको थिएन।
गत वर्षबाट यात्राले पुन: निरन्तरता पाएको छ।
बागमतीको कटुवाल दहबाट बागद्वारसम्म हुने १७ दिने तीर्थयात्रा यस वर्ष ९ दिनमात्र गरिनेछ। कटुवाल दहबाट बागद्वावारसम्मका १ सय ६५ तीर्थस्थलमा पैदल हिँडेर स्नान, पूजाआजा गर्ने विधिलाई बागमती तीर्थयात्रा भनिन्छ।
तीर्थयात्रा वैदिक र तान्त्रिक मिश्रित विधिमा गिरने जात्रा सञ्चालन पुजारी मदन भट्टले बताए।
बागमती प्रदुषित बन्दै गएपछि तीर्थयात्रा रोकिएको थियो।
सामाजिक सफाइ अभियन्ताहरूको सक्रियतामा विसं २०७० जेठ ५ गतेदेखि बागमती सफाइ महाअभियान सुरु भएको थियो।
विसं २०३४ सम्म बैसाख कृष्ण चतुर्दशीदेखि बैसाख शुक्ल पूर्णिमासम्म १७ दिन बागमती यात्रा गरिन्थ्यो।
‘यस वर्ष सातदिने यात्रा गर्दा बैसाख शुक्ल अष्टमीदेखि बैसाख शुक्ल पूर्णिमासम्म सात दिनको कार्यक्रम तयार पारिएको छ।
भावी पुस्तालाई जीवित संस्कृति हस्तान्तरण गर्न ४० वर्षपछि यात्रालाई पुनः जीवन दिन लागिएको सदस्य सचिव ढकालको भनाइ छ।
यात्राले बागमती ती सफाइ गर्न कटुवाल दहबाट सुन्दरीजलसम्मका स्थानीयबासीलाई जागरण फैल्याउने उद्देश्यसमेत राखेको छ।
यस वर्ष सातदिने यात्रा सुरु गरी अर्को वर्षदेखि पुरानै स्वरुपमा १७ दिने कार्यक्रमलाई नै पुनर्जागरण गर्ने कोषको तयारी छ।
यात्रा सञ्चालनका लागि आवश्यक खर्च विकास कोषले गर्नेछ।
विसं २०३४ सम्म जुन स्थानमा पुग्यो त्यहीँका स्थानीयबासीले खाने बस्ने व्यवस्था गर्थे।
आधुनिकताले छोएसँगै वैदिक सनातन धर्मावलम्बीको मान्यताअनुरुप अतिथिलाई स्वागत गर्ने परम्परामा कमी आउन लागेकाले कोषले नै खर्च व्यहोर्ने तयारी गरेको हो।
.jpg)
धर्मशास्त्रका विभिन्न ग्रन्थमा बागमतीमा स्नान गर्नुलाई गंगा स्नानभन्दा पनि पुण्य फलदायक मानिएको छ। बैसाखको गर्मीमा पुण्यप्राप्तिका लागि नदीका १ सय ६५ स्थानमा स्नान गर्ने परम्परा बसालिएको हो।
बागमती तीर्थयात्रा सञ्चालनका लागि प्रशस्त जग्गासहित गुठीको व्यवस्था गरिएको थियो। ती गुठी जग्गाको लोप भएकाले यात्राकै क्रममा खोजी अघि बढाउने कोषले जनाएको छ।
.jpg)
यात्रा उपत्यकाका सात नगरपालिकामा पुग्नेछ। दक्षिणकाली, कीर्तिपुर, काठमाडौं महानगरपालिका, गोकर्णेश्वर, कागेश्वरी मनोहरा, बूढानीलकण्ठ, शंकरापुर र चाँगुनारायण क्षेत्रमा यात्रा पुग्ने बताइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791703930-1791704860.jpg)
-1786602170.png)
