काठमाडौं– पल शाह पछिल्लो समय नेपाली सिने जगतमा रुचाइएको अनुहार हो। भिडियो सम्पादन हुँदै अभिनय क्षेत्रमा होमिएका पल फिल्म भन्दा बढी म्युजिक भिडियोमा व्यस्त छन्।
म्युजिक भिडियो ‘को होला त्यो...’बाट चर्चामा आएका पलले फिल्म ‘नाइ नभन्नू ल–४’ बाट अभिनय यात्रा प्रारम्भ गरेका थिए।
त्यसयता उनले अन्य पाँच वटा फिल्ममा अभिनय गरिसकेका छन्।
जसमा उनको मुख्य अभिनय रहेको फिल्म ‘वीर विक्रम–२’ प्रदर्शनको संघारमा छ। करिब डेढ वर्षदेखि ठूलो पर्दाबाहिर रहेका पल जेठ ३ बाट नेपाली फिल्महलमा पुनः देखिने छन्।
पल अभिनित फिल्महरू ‘नाइ नभन्नू ल–४’ र ‘म यस्तो गीत गाउँछु’लाई दर्शकले रुचाए। फिल्मको व्यापार पनि औसत रहयो। यसपछिको फिल्म ‘जोनी जेन्टलम्यान’मा पल र आँचलको अभियन दर्शकले उति रुचाइदिएनन्।
पलको सोलो प्रस्तुति बक्स अफिसमा पूर्ण असफल बन्न पुग्यो।
२०७४ मा पल अभिनित फिल्म ‘शत्रुगते’ बक्स अफिसमा सफल बन्यो। तर, मह जोडीको ब्यानर र दीपकराज गिरी, दीपाश्री निरौलालगायत हास्यकलाकारसँगको स्क्रिन सेयरले फिल्ममा पलले सफलताको जस चाख्नै पाएनन्।
त्यसयता १४ महिनासम्म ठूलो पर्दामा पलको उपस्थिति शून्य रह्यो।
अब उनी फिल्म ‘वीर विक्रम–२’को भरमा छन्। भन्छन्, ‘विगत १४ महिनासम्म राम्रो टिम, ब्यानर र राम्रो स्क्रिप्टको अभावका कारण म पर्दामा नआएको हो। तर, वीर विक्रम–२मा भने स्क्रिप्ट तथा निमार्ण युनिट दुवै राम्रो भएर फिल्ममा जोडिएको हुँ।’
उनी थप्छन्, ‘राम्रो टिम र विषय नपाउँदासम्म फिल्म नगरेको हुँ, राम्रो टिम र बिषय रोज्न सकिएन भने दर्शक तथा समीक्षकको गाली खानु थिएन र छैन मलाई। तर, अन्तिम समयमा राम्रो स्क्रिप्ट तथा राम्रो मेकर पाएँ।’
पल ‘वीर विक्रम २’ मा अभिनय गर्न पाएकोमा निकै खुसी छन्। भन्छन्, ‘मैले गर्न खोजेको र देखाउन खोजेको चिज यस फिल्ममा पाएको छु। एउटा राम्रो क्यारेक्टर, अभिनयमा निखारता र भिन्न प्रस्तुतिमा दर्शकले फिल्ममा देख्न पाउनुहुनेछ।’
प्रत्येक फिल्मका लागि गरेको मेहेनत आफ्ना लागि एक विद्यालय भएको भन्दै पल थप्छन्, ‘सत् प्रतिशत राम्रो नै छ भन्न त सकिन्न तर यस फिल्मबाट मैले धेरै सिक्ने मौका पाएको छु, अन्य फिल्मभन्दा आफूलाई निखार्ने प्रयास गरेको छु।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
