बार्सिलोना– युरोपियन च्याम्पियन्स लिगमा स्पेनिस महारथि क्लब बार्सिलोना समूह विजेता बन्दै नकआउट चरणमा पुगेको छ।
यसअघि नै अघिल्लो चरणमा स्थान पक्का गरेको बार्सिलोनाले समूह 'डी' को अन्तिम खेलमा पोर्चुगिज क्लब स्पोर्टिङ लिस्बनलाई २–० ले पराजित गरेको हो।
बार्सिलोनाका लागि पाको अलकासरले ५९ मिनेटमा गोल गरेर अग्रता दिलाए। दोस्रो हाफको इन्जुरी टाइममा जिरेमी म्याथ्युले आफ्नै पोस्टमा गोल गरेपछि बार्सिलोनाको २–० को जित पक्का भएको थियो।
बार्सिलोनाले आफ्ना स्टार खेलाडी लिओनल मेसीलाई बेन्चमा राखेर खेलको सुरुवात गरेको थियो। पहिलो हाफमा गोलरहित बराबरीमा रोकिएपछि मेसी खेलको ६१ मिनेटमा मैदान प्रवेश गरेका थिए। उनी भिदालको स्थानमा मैदान छिरेका थिए।
जितपछि बार्सिलोना १४ अंक जोडेर समूह विजेता बन्न सफल भयो। दोस्रो स्थानको इटालियन क्लब युभेन्टसले ११ अंक बटुल्यो। युभेन्टसले अन्ति खेलमा ओलम्पियाकोसलाई २–० ले हरायो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1773729220.png)
-1773728847.png)
-1764146706.png)
-1773643707.png)
