धनगढी– अनेरास्ववियू र युवा संघमा लामो समय केन्द्रीय तहमा काम गरिसकेका झपट रावल नेकपा एमालेका वैकल्पिक केन्द्रीय सदस्य हुन्। उनलाई एमालेले कैलाली इन्चार्जको जिम्मेवारी पनि दिएको छ। अहिले उनी मंसिर २१ को निर्वाचनमा कैलाली क्षेत्र नम्बर २ बाट प्रतिनिधिसभाको प्रत्यक्षतर्फ प्रतिस्पर्धामा उत्रिएका छन्। रावलसँग निर्वाचनको सेरोफेरोमा रहेर नेपाल लाइभका कैलाली संवाददाता शेरबहादुर ऐरले गरेको कुराकानीः
मतदाताले तपाईंको उम्मेदवारीलाई कसरी लिएका छन्?
यतिबेला कैलालीको क्षेत्र नम्बर २ का जनता वाम गठबन्धनलाई जिताउन आतुर छन्। चुनाव जति नजिक आउँदैछ त्यति नै नेपाली कांग्रेस परित्याग गरेर वाम गठबन्धमा प्रवेश गर्नेको ओइरो लागिरहेको छ। यसले पनि हामीप्रति जनताको विश्वास छ भन्ने देखाउँछ। हामीले घरदैलो गरिरह“दा पनि सकारात्मक संकेत पाएका छौं। यसले हामीलाई उत्साहित बनाएको छ।
तपाईंका चुनावी एजेन्डा के–के छन्?
मुख्यतः जुन अहिलेको सरकार छ त्यसलाई अन्त्य गर्ने हो। अर्काे नेपालको संविधानको छिटोभन्दा छिटो कार्यान्वयन गर्ने हो। संक्रमणकाल अन्त्य गरेर राजनीतिक स्थिरता कायम गर्ने हो। राजनीतिक स्थिरताको माध्यमबाट राष्ट्रलाई समृद्धिको दिसातिर लैजानुपर्छ। यहाँ स्थानीय तहमा बाटोघाटो, शिक्षा, स्वास्थ्य, सुरक्षा, रोजगारी, खानेपानीजस्ता समस्या छन्। यस्तै, कैलालीमा घर छ, जग्गा छ तर जनताको नाममा लालपुर्जा छैन। यहाँ जब वर्षा लाग्छ अनि डुबान हुन्छ। नदीले भात खाने जमिन बगाइरहेको छ, तटबन्धन नहुँदा हरेक वर्ष बाढीले नोक्सानी गरिरहेको छ। यस्ता धेरै समस्या छन्, मैले यी समस्या समाधान गर्ने प्रयास गर्ने प्रतिबद्धता गरिरहेको छु।
वाम गठबन्धन त छ, तर तपाईंकै पार्टीका पूर्व सांसदहरू मोहनसिंह राठौर र रविना चौधरीले पार्टी परित्याग गरेका छन्, त्यसले अप्ठ्यारो पर्ला नि?
अवसरवादीहरू आउने जाने क्रम भइरहन्छ। उनीहरू सामन्त, जमिन्दार हुन् कम्युनिस्ट होइनन्। उनीहरू समाज रूपान्तरणका लागि आएका होइनन्। उनीहरू पदका लागि, स्वार्थका लागि, मान–सम्मानका लागि आएका थिए। जतिबेला सम्म पाए बसे, नपाएपछि कांग्रेसमा गए। कांग्रेसमा अवसर नपाउँदा फेरि उनीहरू त्यसलाई पनि छोड्नेछन्।
यसले हामीलाई कुनै पनि असर गरेको छैन। कांग्रेसले आफ्ना पुराना कार्यकर्तालाई टिकट दिएको भए हामीलाई जित्न गाह्रो हुन्थ्यो। जसले जनताको काम गरेन, आफ्नो निर्वाचन क्षेत्रमा फर्किएन ती मान्छे कांग्रेसमा जाँदा हामीलाई केही असर परेको छैन। एमालेले अनुशासनको कारबाही गरिसकेकालाई कांग्रेसले उम्मेदवार बनाएकाले पनि मलाई चुनाव जित्न राहत भएको छ।
चुनाव धेरै खर्चिलो हुँदै गइरहेको छ, तपाईंले कत्तिको खर्च गरिरहनु भएको छ?
म चुनावमा खर्च गर्ने र जनतालाई प्रभावमा पर्ने पक्षमा छैन। म जनतालाई भोट दिनुस्, म तपाईंलार्ई विकास दिन्छु भनिरहेको छु। तपाईंहरू मलाई माया गर्नुस्, म तपाईंको मायालाई सम्मान गर्छु। म तपाईंको सेवाक हुँ, मालिक होइन भनेर जनतासामु गइरहेको छ। परिवर्तन सम्भव छ र त्यो परिवर्तन युवाबाट मात्रै सम्भव छ भनेको छु। यो प्रवृत्तिलाई अन्त्य गर्नुपर्छ भन्ने कुराको अभियन्ता बन्न चाहन्छु।
चुनाव जित्छुमा भन्नेमा कत्तिको विश्वस्त हुनुहुन्छ?
मैले जित्छु होइन, जितिसकें। म मात्रै होइन, मसँगै रहनु भएका प्रदेशसभा (क) का रतन थापा र प्रदेशसभा (ख) का नन्दबहादुर साउद (राजेन्द्र)ले पनि जितिसक्नुभयो, अब मतदानको प्रक्रिया पूरा गर्न र औपचारिक घोषणा गर्न मात्र बाँकी हो। कांग्रेसले मेरो प्रतिनिधिसभामा मेरो प्रतिस्पर्धामा एमालेबाट भागेका भगौडालाई उम्मेदवार बनाएको छ। त्यसैले पनि हामीले जितिसकेका छौं।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1724654184.jpg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
