काबुल– अफगानिस्तानका सहायताकर्मीमाथि लक्षित गरी आक्रमणहरू हुन थालेपछि मानवीय सहायता समूहहरू चिन्तित भएका छन्।
काबुलमा बुधबार तालिबानले नौ जना सहायताकर्मीको हत्या गरेपछि सर्वत्र आलोचना हुन थालेको छ।
अफगानिस्तानका अवसरबिहीन समुदायका लागि कार्यरत गैरनाफामुलक संस्था काउन्टरपार्ट इन्टरनेसनलको कार्यालय बाहिर बुधबार कारबम बिस्फोट गराइएको थियो। यो संस्थामध्ये काबुलका निकै व्यस्त व्यापारिक क्षेत्र नजिकै रहेको छ।
गृह मन्त्रालयका प्रवक्ता नसरत राहिमीले बम बिस्फोटबाट मृत्यु हुनेको संख्या ९ पुगेको जानकारी दिए। मारिनेमा पाँच जना अफगान सैनिक, काउन्टरपार्टका एक जना गार्ड तथा तीन सर्वसाधारण रहेका छन्।
विस्फोटबाट काउन्टरपार्ट नजिकै कार्यालय रहेको अर्को गैरसरकारी संस्था केएरमा कार्यरत एक जना सवारी चालक, एक जना पहरेदार र एक जना प्राविधिक सल्लाहकार मारिएका थिए।
केएरले अफगानिस्तानजस्ता द्वन्द्व प्रभावित मुलुकहरूमा मानवीय सहायताका कार्यहरू गर्न निकै खतरापूर्ण बन्दै गएको जनाएको छ।
उक्त आक्रमणबाट अरु २० जना सर्वसाधारण घाइते भएका छन्। विस्फोटपछि धेरै जना बन्दुकधारी तालिबानीहरू काउन्टपार्टको कार्यालयभित्र प्रवेश गरेका थिए।
अफगान कमान्डोहरूले घेरा हाली प्रतिकारबाही गरेपछि सबै तालिबानीको मृत्यु भएको बताइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
