अछाम- नेकपा एमालेका उपाध्यक्ष भीम रावलले चुनाव जित्न मात्रै नभई जनतालाई खुसी दिन र देशको आर्थिक समृद्धि गर्न वामपन्थीहरु एक भएर निर्वाचन लडेको बताएका छन्।
वाम गठबन्धनले बान्नीगढी जयगढ गाउँपालिकाको बरदादेवीमा गरेको चुनावी आमसभामा बोल्दै नेता रावलले तीव्र विकास र आर्थिक समृद्धिका लागि वामपन्थी उम्मेदवारलाई जिताउन मतदातालाई आग्रह गरे।
अछाम क्षेत्र नम्बर १ बाट प्रतिनिधिसभा सदस्यका लागि वाम गठबन्धनका उम्मेदवारसमेत रहेका नेता रावलले वाम एकताले संविधानको पूर्ण कार्यान्वयनसँगै देशलाई स्थायित्व र आर्थिक समृद्धि दिलाएरै छाड्ने दाबी समेत गरे।
उनले वर्तमान सरकारले निर्वाचन आचारसंहितको ख्याल नगरी आफ्ना कार्यकर्तालाई करोडौं रकम बाँडेको भन्दै चुनावपछि बन्ने वामपन्थी सरकारले राज्यको ढुकुटी दुरुपयोगबारे छानबिन गर्ने बताए।
सभालाई माओवादी केन्द्रका पोलिटब्यूरो सदस्य तारामान स्वाँर, प्रदेशसभा सदस्यका उम्मेदवार माओवादी नेता झपट बोहरा लगायतले सम्बोधन गरेका थिए। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
