डडेल्धुरामा निर्वाचनका लागि कर्मचारी खटाइयो

ब्लग

नेपाल लाइभ शनिबार, मंसिर १६, २०७४ १४:०७

डडेल्धुरा– डडेल्धुरामा दुर्गम क्षेत्रका मतदान केन्द्रहरुमा शनिबार मतदान अधिकृतहरु खटाइएको छ।

११७ मतदान केन्द्रमध्ये टाढाका केन्द्रमा १ सय १७ मतदान अधिकृत र त्यति नै संख्यामा सहायक मतदान अधिकृतलाई निर्वाचन सामग्रीसहित पठाइएको जिल्ला निर्वाचन कार्यालय डडेल्धुराले जनाएको छ।

भौगोलिक रुपमा टाढा रहेका जिल्लाका परशुराम नगरपालिका र आलिताल गाउँपालिकामा शनिबार बिहान मतदान सामग्रीसहित कर्मचारी पठाइएको कार्यालयका सूचना अधिकृत दिलिप तामाङले जानकारी दिए। अन्य स्थानमा १७ र १८ गते कर्मचारी पुगिसक्ने उनले बताए।

निर्वाचनका लागि जिल्लामा ९ सय २७ निजामती कर्मचारी खटाइने जनाइएको छ।

यस्तै, निर्वाचन सुरक्षाका लागि करिब १५ सय सुरक्षाकर्मी परिचालन गर्ने जिल्ला सुरक्षा समितिको तयारी छ। ५ सय ३० नेपाल प्रहरी, ६ सय ६० म्यादी प्रहरी र २ सय ९० जना सशस्त्र प्रहरी परिचालन गरिने प्रमुख जिल्ला अधिकारी जनकराज भट्टले जानकारी दिए।

प्रतिनिधिसभाका लागि १ र प्रदेशसभा सदस्यका लागि २ निर्वाचन क्षेत्र रहेको डडेल्धुरामा ८१ हजार ७ सय ३२ मतदाता छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

चिया बेचेरै मासिक एक लाख कमाउँछन् विनोद

यस्तो छ आजको मौसम

मोरङको बेलबारी, सुन्दरहरैँचा, केराबारीमा जङ्गली हात्तीले उपद्रो मच्चाउन छाडेन