मस्काे- रुसमा आइतबार भएकाे विमान दुर्घटनाकाे कारण खुलेकाे छ। आकस्मिक अवतरणका क्रममा आगाे लागेकाे विमानमा ४१ जनाकाे मृत्यु भएकाे थियाे।
दुर्घटनामा बाँचेका चालक दलका सदस्य तथा घाइतेहरुका अनुसार विमानमा उडानका क्रममा चट्याङ परेकाे थियाे। चट्याङ परेपछि विमानलाई आकस्मिक अवतरण गराइएकाे हाे। पहिलाे पटकमा आकस्मिक अवतरणकाे प्रयास सफल नभएपनि दाेस्राे पटकमा भने चालकहरु विमान अवतरण गराउन सफल भएका थिए। विमानमा अवतरणकै क्रममा आगाे लागेकाे थियाे।
रुसी राष्ट्रिय ध्वजाबाहक 'एयरोफ्लोट'को 'सुखोई एसएसजे-१००' विमानमा ७३ जना यात्रु र पाँच जना चालक दलका सदस्य सवार थिए।
सेरेमेट्येभो विमानस्थलबाट उत्तरी सहर मरमान्स्कका लागि उडेको उक्त विमानमा प्राविधिक समस्या रहेको भन्दै सेरेमेट्येभो फर्किएको थियो।
घाइतेहरुले आकाशमै विमानमा चट्याङ परेकाे बताए पनि दुर्घटनाकाे अनुसन्धान गरिरहेकाे छानबीन समितिले भने यस सम्बन्ध कुनै आधिकारिक वक्तव्य दिएकाे छैन।
घाइतहरुकाे भनाइलाई लिएर सन्देह व्यक्त गरिएकाे बिबिसीले लेखेकाे छ। किनकी विमानलाई चट्याङबाट सुरक्षित रहनसक्ने गरी बनाइएकाे हुन्छ। विमान कम्पनी 'एयरोफ्लोट'ले भने विमानमा केही प्राविधिक समस्या देखिएकाेले पुनः विमानस्थलमा आकस्मिक अवतरण गरिएकाे जनाएकाे छ।
ट्रेकिङ वेबसाइट 'फ्लाइटरडार 24' का अनुसार विमान उडेकाे करिब आधा घन्टा भित्रै आकस्मिक अवतरणकाे प्रयास गरिएकाे थियाे।
.png)
तर, विमानमा सवार यात्रुले भने उडान भएकाे केही मिनेटमै चट्याङ परेकाे बताएका छन्। चालक दलका ५ सदस्यमध्ये केहीले विमानकाे सम्पर्क स्थापित गर्ने साधनमा चट्याङका कारण क्षति पुगेकाे थियाे। जसका कारण 'एयर ट्राफिक कन्ट्रोल'सँग सम्पर्क गर्न अप्ठेराे भइरहेकाे थियाे।
दुर्घटनामा बाँच्न सफल एक यात्रु प्योत्र येगोरोवले भने, 'विमानले उडान भरेकाे केही समयमै चट्याङ परेकाे थियाे। अवतरण गर्न मुश्किल थियाे। म निकै डराएकाे थिए।'
अर्का यात्री मिखाइल सेवसेन्कोले आपतकालिन द्वारबाट हाम फालेर ज्यान जाेगाएकाे बताए। विमानकाे पछिल्लाे भागमा आगाे लागेकाे थियाे।
अर्की एक यात्री दिमित्री ख्लेबुसकिनले भनिन्, 'म परिचारिकाका कारण बाँच्न सफल भएँ। धुँवाले भरिएकाे विमान भित्र उनी यात्रुलाई बाहिर निक्लिन सहयाेग गरिरहेकी थिइन्। भित्र अँध्याराे थियाे, गर्मी थियाे, तर उनले जीवित यात्रुलाई विमान बाहिर निकालिरहिन्।'
विमान परिचारिका तात्याना कासात्किनाका अनुसार विमान पूर्णरुपमा अवतरण नहुँदै यात्रुहरु आफ्नाे स्थान छाेडेर ढाेकातर्फ भागेका थिए। 'विमानमा आगाे लागिरहेकाे थियाे, यात्रुहरु राेइरहेका थिए, आफ्ना आफन्तलाई फाेन गरिरहेका थिए', तात्यानाले भनिन्, 'याे निक्कै छाेटाे समयमा भएकाे थियाे। केही सेकेन्डभित्रै। म यात्रुहरुलाई बाहिर निकालिरहेकाे थिए। उनीहरुकाे कलर समातेर तानिरहेकाे थिएँ, ताकी बाहिर निक्लिन ढिलाइ नहाेस्।'
.jpg)
एयरलाइन्सले भने विमान राेकिएकाे ५५ सेकेन्डपछि मात्रै यात्रुहरुलाई बाहिर निकाल्न सुरु गरिएकाे जनाएकाे छ। सामाजिक सञ्जालमा जलिरहेकाे विमानबाट यात्रुहरु बाहिर निस्किरहेकाे फाेटाे तथा भिडियाेहरु पाेस्ट भइरहेका छन्।
दुर्घटना छानबीन समितिका अनुसार कूल ३३ जना यात्रु बाँच्न सफल भएका छन्। चालक दलका ४ जना सदस्य पनि जीवित छन्।
'सुपरजेट' भनिने रुसी 'एसएसजे-१००' दुई इन्जिनयुक्त विमान हो। यो विमान सन् २०११ देखि प्रयोगमा ल्याइएको थियो।
उत्पादक सुखोई सिभिल एयरक्र्याफ्टले आइतबार दुर्घटनाग्रस्त विमानको गत अप्रिलको सुरुमै मर्मत गरिएको जनाएको छ। एयरोफ्लोटले पाइलटहरुमा करिब १ हजार ४ सय घन्टा विमान उडाएको अनुभव रहेको बताएको छ।
सोभियत सङ्घ युगको विमानसेवा पुरानो भएपछि उड्डयनका क्षेत्रमा समस्या सामना गरेको रुसले 'एसएसजे-१००' सिरिजका नयाँ विमान विकास गरेको थियो। यही सिरिजका विमानहरु रुसबाहेक आर्मेनीया र मेक्सिकोसमेतका अरु देशमा पनि प्रयोग भइरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791869951.jpg)
-1786602170.png)
