काठमाडौं– भारतीय महिला लिगको डेब्यू खेलमा नेपालकी स्ट्राइकर सावित्रा भण्डारीले चार गोल गरेकी छिन्। सेथु एफसीका लागि उनले चार गोल गरेकी हुन्। सावित्राले मनिपुर पुलिस एससीविरुद्ध पहिलो हाफमै चार गोल गरेकी थिइन्।
प्रतिस्पर्धात्मक खेलमा सेथुले मनिपुरविरुद्ध ६–४ को जित हात पारेको छ।
सावित्राले खेलको २९ सेकेन्डमै गोल गरेर सेथुलाई सुरुवाती अग्रता दिलाइन्। यो गोल सिजनकै सर्वाधिक छिटो गोल हो। १६ मिनेटमा सावित्राले दोस्रो गोल गरिन्। उनले डिबक्स भित्रबाट छरितो गोल गरेकी थिइन्। सावित्राले ३४ मिनेटमा ह्याट्रिक पूरा गरिन्। उनलाई ग्रेसले पास उपलब्ध गराएकी थिइन्। इन्जुरी टाइमको दोस्रो मिनेटमा सावित्राले टिम तथा व्यक्तिगत चौथो गोल गरेकी थिइन्।
दोस्रो हाफमा सेथुका लागि डाङ्माइ र ग्रेसले गोल गरेकी थिइन्। ग्रेसलाई गोल गर्न सावित्राले पास उपलब्ध गराएकी थिइन्। चार गोल गरेकी सावित्रा खेलको प्लेयर अफ दि म्याच भइन्।
.jpg)
हिरो भारतीय महिला लिग खेल्नका लागि फरवार्ड सावित्रासहित नेपालकी अर्की मिडफिल्डर अनिता बस्नेत सेथुमा आबद्ध भएका थिए। पहिलो खेलमा सावित्राले मौका पाए पनि अनिताले मौका पाइनन्।
तामिल नाडुको यो क्लब गत सिजनमा सेमिफाइनलसम्म पुगेको थियो। सिजनमा क्लबले नेपालका दुई खेलाडीसँगै भारतीय राष्ट्रिय टिमका खेलाडी भित्र्याएको छ। जसमा ग्रेस, रतनबाल देवी, असलता देवी, सन्ध्या र इन्दुमती छन्।
लिगमा दुई समूहमा प्रतिस्पर्धा हुँदैछ। सावित्रा र अनिता आबद्ध सेथु समूह बीमा छ। जहाँ सेथुसहित बैंग्लोर युनाइटेड, बरोडा एफसी, सीआरपीएफ एफसी, कोल्हापुर, मनिपुर पुलिस र कुटाक छन्।
लिगका शीर्ष २ टिम सेमिफाइनलमा पुग्नेछन्। फाइनल खेल मे २२ मा हुनेछ।
.JPG)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
