फाइल तस्बिर
काठमाडाैं- प्रदेश २ का मुख्यमन्त्री लालबाबु राउतले अब समाजवादी पार्टी मुलुकको मुख्य पार्टी हुने दाबी गरेका छन्। काठमाडौंको प्रज्ञा प्रतिष्ठानमा भएको पार्टी एकता घोषणा सभामा बोल्दै मुख्यमन्त्री राउतले नवगठित समाजवादी पार्टी नेपाल देशकै मुख्य पार्टी बन्ने दाबी गरेका हुन्। उनले कति वर्षमा देशकै प्रमुख पार्टी बन्ने भन्ने बारेमा भने केही खुलाएनन्।
‘अब हामी मुलुककै पहिलो शक्ति हुनुपर्दछ’, उनले भने, ‘वैकल्पिक हुने होइन।’
अन्य पार्टीका नेताहरु असमावेसी भएको भन्दै उनले समावेसी शिर्ष नेता समाजवादीमा मात्र रहेको जिकिर गरे। २ वटा जातीय क्लस्टरका नेता समाजवादी पार्टीमा अध्यक्ष भएको भन्दै उनले मुलुकपनि यही समावेसी शैलीमा सञ्चालन हुने बताए। ‘हामी यो मुलुकमा समाजवाद स्थापित गर्ने मुद्दा लिएर अगाडि बढेका छौं’, उनले भने, ‘यो मुद्दाले नै हामी मुलुकै एक नम्बर बन्नेछाैं।’
अन्य पार्टीका नेताहरु समाजवादी पार्टीको जत्ति सक्षम र विद्धान नभएको भन्दै राउतले यही छविले सिंहदरबार कब्जा गर्ने शक्तिमा पुग्ने उनले दाबी गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
