नयाँ दिल्ली- भारतकाे राजधानीसमेत रहेकाे दिल्लीका मुख्यमन्त्री तथा आम आदमी पार्टीका संयोजक अरविन्द केजरीवालमाथि थप्पड प्रहार भएकाे छ। शनिबार एक सडक र्यालीका क्रममा उनीमाथि एक युवकले थप्पड हानेका हुन्।
केजरीवाल पश्चिम दिल्लीकाे मोतीनगर क्षेत्रमा आफ्ना पार्टीका उम्मेदवार बलबीर सिंह जाखडका साथमा चुनावी प्रचारमा थिए। एक खुल्ला जीपमा सवार भई सडकमा उपस्थित जनतालाई हात हल्लाएर अभिवादन गरिरहेका बेला एक राताे टि-सर्ट लगाएका युवा जीपकाे बोनटमा चढेर केजरीवालमाथि थप्पड हानेका थिए।
आम आदमी पार्टीले घटना भारतीय जनता पार्टी (भाजपा) ले गराएकाे र साेकाे बदला दिल्लीमा मे १२ मा हुने लाेकसभा चुनावमा दिने जनाएकाे छ। आम आदमी पार्टीले ट्विटरमा लेखेकाे छ, 'याे अरविन्द केजरीवालमाथि मात्रै भएकाे हमला हाेइन। याे दिल्ली र उसकाे जनमतमाथिकाे हमला हाे। दिल्लीका जनता भाजपालाई मे १२ मा कडा जवाफ दिनेछन्।'
केजरीवाल सरकारका मन्त्री मनीष सिसोदियाले ट्विट गर्दै 'के प्रधानमन्त्री नरेन्द्र मोदी र भाजपा अध्यक्ष अमित शाहले केजरीवालकाे हत्या गर्न चाहेका हुन्?' भनि प्रश्न गरेका छन्। केजरीवाललाई विपक्षीहरुले ५ वर्षसम्म आफ्नाे पूरा तागत लगाएर मनाेबल ताेड्न नसकेकाे तथा चुनावमा हराउन नसकेकाे बताउँदै उनले लेखेका छन्, 'अब केजरीवाललाई हटाउन खाेज्दैछाै कायरहरु! याे केजरीवालकै समय हाे।'
कसले के भने?
आन्ध्र प्रदेशका मुख्यमन्त्री एन चन्द्रबाबू नायडूले लाेकतान्त्रिक तबरबाट चुनिएका मुख्यमन्त्रीकाे थप्पड हिर्काउनु जघन्य र कायर कदम भएकाे बताउँदै दिल्ली प्रहरीले यसकाे जिम्मेवारी लिनुपर्ने तर्क गरेका छन्। यस घटनाले निराशा र हारतर्फ संकेत गरेकाे पनि उनकाे भनाइ छ। 'यस्ताे हमलाले लाेकतन्त्रलाई बलियाे बनाउन गर्नुपर्ने संघर्ष र संकल्पलाई थप बजबुत बनाउन हामीलाई बल दिएकाे छ', उनले भने।
तृणमूल कांग्रेस प्रमुख ममता बनर्जीले कजरीवालमाथिकाे हमला राजनीतिक गुन्डागर्दी र बदला भएकाे टिप्पणी गरेकी छिन्। 'आफ्ना विपक्षी नेतामाथि हमला गर्नु तथा निन्दा गर्नुले याे बताउँछ कि भाजपाले चुनाव हारिसकेकाे छ र उसले गलत काेशिस गरिरहेकाे छ', बनर्जीले ट्विटमा लेखेकी छिन्।
जम्मु-काश्मीर नेसनल कन्फ्रेन्सका नेता उमर अब्दुल्लाहले घटनालाई 'खतरानक'काे संज्ञा दिँदै राजनीतिमा शारीरिक हिंसा अस्विकार्य भएकाे बताएका छन्।
आम आदमी पार्टीका नेता सन्जय सिंहले केजरीवालमाथि भएकाे हमलाकाे भिडियाे सार्वजनिक गर्दै मुख्यमन्त्रीकाे सुरक्षाकाे लागि केन्द्र सरकारले असावधानी अपनाएकाे आराेप लगाएका छन्। उनले प्रश्न गरेका छन्, 'के केजरीवालमाथि गाेली चलाेस् भनेर प्रतिक्षा गरिएकाे छ?'
पटक-पटक निशानामा केजरीवाल
केजरीवालमाथि यस्ताे घटना भएकाे याे पहिलाेपटक भने हाेइन। यसअघि उनीमाथि खुर्सानीकाे धुलाे फ्याँक्ने, जुत्ता प्रहार गर्ने तथा थप्पड हान्ने जस्ता कार्य भएका थिए।
सन् २०१८ मा आफ्नाे समस्याकाे समाधान गर्न एक युवक केजरीवालसमक्ष पुगेका थिए। केजरीवालसँग भेट गरेपछि ती युवकले उनीमाथि खुर्सानीकाे धुलाे फ्याँकेका थिए। साे क्रममा केजरीवालकाे भस्मासमेत फुटेकाे थियाे।
सन् २०१४ काे लोकसभा चुनावका क्रममा एक अटाे ड्राइभरले उनलाई थप्पड हानेका थिए। माला लगाइदिन आएका उनले केजरीवालमाथि थप्पड हिर्काएका थिए।
पन्जाबकाे लुधियानामा सन् २०१६ काे फेब्रुअरीमा उनी सवार गाडीमा रड तथा अन्डा प्रहार गरिएकाे थियाे। जसका कारण गाडीकाे सिसा फुटेकाे थियाे।
दिल्लीकाे छत्रसाल रंगशालामा एक सभाका दाैरान एक महिलाले उनीमाथि मसी फ्याँकेर विराेध गरेकी थिइन्।
दिल्ली सचिवालयमा २०१६ अप्रिलमा एक पत्रकार सम्मेलनका दाैरानमा केजरीवालमाथि एक पत्रकारले जुत्ता प्रहार गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791869951.jpg)
-1786602170.png)
