झापा- झापाको कन्काई नगरपालिका-१, दुर्गापुरमा बिहीबार राति पिकअप भ्यानको ठक्करबाट १ जना साइकलयात्रीको मृत्यु भएको छ।
राति साढे ८ बजे पूर्व-पश्चिम राजमार्गमा पूर्वतर्फ आउँदै गरेको जिल्ला प्रशासन कार्यालय झापाको ६६-१-०४१४ नम्बरको गाडीले विपरीत दिशातर्फ जाँदै गरेका साइकलयात्री पाँचथर नागी-६ घर भई हाल कन्काई नगरपालिका-१, कालीमोडामा डेरा गरी बस्ने वर्ष ४० का उमेश हिङमाङलाई ठक्कर दिएको थियो।
ठक्करबाट गम्भीर घाइते भएका हिङमाङलाई उपचारको लागि बि एण्ड सी अस्पताल बिर्तामोड पठाइएकोमा उनकाे उपचारको क्रममा राति ९ बजे मृत्यु भएको जिल्ला प्रहरी कार्यालय झापाले जनाएको छ।
मृतकको शव सोही अस्पतालमा राखिएको छ भने पिकअप र चालकलाई प्रहरीको नियन्त्रणमा राखिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
