काठमाडाैं- नेपाली कांग्रेसले बुधबारदेखि थाल्ने भनिएकाे देशव्यापी जागरण अभियान स्थगित गरिएकाे छ।
मंगलबार बसेकाे कांग्रेस केन्द्रीय समिति बैठकले 'हिमाल, पहाड, तराई–मधेश, नेपाली कांग्रेस राष्ट्रिय जागरण अभियान' नाम दिइएकाे साे अभियान कांग्रेस नेता रामकृष्ण ताम्राकारको निधनमा शाेक जनाउँदै हाललाई स्थतित गरिएकाे हाे।
पूर्वमन्त्री तथा कांग्रेसका काेषाध्यक्षसमेत रहेका नेता ताम्राकारकाे मंगलबार दिउँसो ३ः४५ बजे ललितपुरस्थित अल्का अस्पतालमा उपचारका क्रममा निधन भएको हाे। नेता ताम्राकारको निधनप्रति श्रद्धाञ्जली व्यक्त गर्दै शाेकस्वरुप अभियानकाे पहिलाे चरणकाे कार्यक्रम हाललाई स्थगित गरिएकाे हाे।
केन्द्रीय कार्यसमितिको निर्णयअनुसार एक महिने कार्यक्रमको मिति परिवर्तन गरिएको छ। अब उक्त कार्यक्रम बैसाख २५ गतेदेखि प्रारम्भ भई जेठ २५ गतेसम्म देशभरका सबै जिल्लाहरूमा पूर्ववत रुपमा सञ्चालन हुने कांग्रेसका मुख्य सचिव कृष्णप्रसाद पौडेलले जानकारी दिए।
नेता ताम्राकारको पार्थिव शरीरलाई अन्तिम श्रद्धाञ्जलीका लागि बुधबार बिहान १०ः३० देखि दिउँसो १ः०० बजेसम्म पार्टीको केन्द्रीय कार्यालय, सानेपामा राखिने छ। ताम्राकारकाे आजै पशुपति आर्यघाटमा दाहसंस्कार गरिने समेत जनाइएकाे छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
-1763559424.jpg)
-1764080971.png)
