तेस्रो 'हिमालयन ट्राभल मार्ट' जुन ७ देखि काठमाडौंमा, भ्रमण वर्षलाई टेवा पुग्ने विश्वास

कर्पोरेट

नेपाल लाइभ मंगलबार, वैशाख १०, २०७६ ११:१०

काठमाडौं- 'हिमालयन ट्राभल मार्ट'को तेस्रो संस्करण जुन ७ देखि ९ सम्म काठमाडौंमा हुने भएको छ। मार्ट काठमाडौंको सोल्टी क्राउन प्लाजा मा आयोजना हुनेछ।

नेपाललाई हिमालय प्रवेशद्धार तथा साहसिक पर्यटनको केन्द्र एवं सबल पर्यटनमैत्री गन्तव्यको रुपमा विश्वसामु स्थापित गर्ने उद्देश्यका साथ सन २०१७ देखि वार्षिक कार्यक्रमको रुपमा आयोजना गरिँदै आएको हिमालयन ट्राभल मार्ट नेपाललाई अन्तर्राष्ट्रिय रुपमा चिनाउने ब्राण्डको रुपमा विकास हुँदै गएको आयाेजकले दाबी गरेकाे छ।

नेपाल सरकार संस्कृति पर्यटन तथा नागरिक उड्डयन मन्त्रालय, नेपाल पर्यटन बोर्ड, नेपाल वायुसेवा निगम, पाटा अन्तर्राष्ट्रिय एवं पर्यटन क्षेत्रका विभिन्न संघ–संस्थाहरुको सहयोग, समन्वय तथा सहकार्यमा प्यासिफिक एसिया ट्राभल एशोसियसन (पाटा) नेपाल च्याप्टरले हिमालयन ट्राभल मार्टको आयोजना गर्दै आइरहको छ।

यसअघि सम्पन्न भएका दुई संस्करणहरुको सफल आयोजनाले नेपाली पर्यटन क्षेत्रको प्रचार–प्रसार तथा प्रवर्द्धनमा नयाँ आयाम थपेको पाटा नेपाल च्याप्टरका अध्यक्ष सुनिल शाक्यले बताए। उनले भने, ‘हिमालयन ट्राभल मार्ट क्रमशः ब्राण्डिङ हुँदै आइरहको छ। जसले नेपाली पर्यटन क्षेत्रकै शीर उच्च पार्नुका साथै विश्व बजारमा नेपालको बलियाे उपस्थिति जनाउन सहयोग पुगेको छ।’

हिमालयन ट्राभल मार्टले छोटो समयमै विश्व पर्यटन बजारमा राम्रो ख्याति प्राप्त गरिरहेको र धरै पर्यटन बजारहरुबाट मार्टमा सहभागिताका लागि चाहना बढ्दै जानुले यसको लोकप्रियता थप बढ्दै गएको शाक्यकाे दाबी छ।

मार्ट देशकै प्रमुख अन्तर्राष्ट्रिय ट्राभल ट्रेड मेलाको रुपमा स्थापित हुँदै गइरहेको र यसमा आयोजना गरिने 'बि–टू–बि' कार्यक्रमले नेपालको पर्यटन पर्वद्धनमा सहयोगलाई विश्वसामु चिनाउन पुगेको नेपाल पर्यटन बोर्डका प्रमुख कार्यकारी अधिकृत दीपकराज जोशीले बताए। उनले भने, ‘मार्ट पर्यटन व्यवसायीहरु, सहभागीहरु तथा सबै सरोकारवालाहरुका लागि नेटवर्किङ, व्यवसाय प्रवर्द्धन, ज्ञान तथा सिप आदान–प्रदान गर्न एक अद्धितीय मञ्च बन्न पुगेको छ।’

जोशीले नेपाल भ्रमण वर्षकोे पूर्व सन्ध्यामा आयोजना हुन गइरहको मार्टले 'नेपाल भ्रमण वर्ष २०२०'लाई सफल बनाउन पनि सहयोग गर्ने बताए। मार्टको पूर्व सन्ध्यामा क्रेता र बिक्रेताबाट जुन खालको चासोहरु देखिएका छन्, यसले मार्टको सफलता बढ्दै गएको जोशकाे तर्क छ।

हिमालयन राष्ट्रहरुबाट बिक्रेताहरु तथा विश्वव्यापी क्रेताहरुलाई एउटै मञ्चमा भेला गराई उनीहरुबीच व्यापार आदान–प्रदान, सम्बन्ध र सञ्जाल विस्तारको उद्देश्यले पाटा नेपाल च्याप्टरद्धारा 'विजनेस–टू–विजनेस' मार्टको परिकल्पना गरिएको हो। हिमालयन ट्राभल मार्टको दाेस्रो संस्करणमा हिमालयन राष्ट्रहरु बाहेकपनि युएई, भियतनाम र कोरियालगायतले बिक्रेताको रुपमा सहभागिता जनाएका थिए। जसले प्रस्तुत मार्टको बढ्दो लोकप्रियतालाइ दर्शाउँदछ।

मार्टमा नेपाल, भारत, पाकिस्तान, तिब्वत (चीन) र भुटान लगायत हिमालयन राष्ट्रहरुबाट बिक्रेताहरु तथा युरोप, अमेरीका, अष्ट्रेलिया, न्युजिल्यान्ड, रसिया तथा सिआइएस राष्ट्रहरु, एसिया र अरब राष्ट्रका क्रेताहरु सहभागी हुनेछन्।

यसअघि सन् २०१७ मा ५३ देशबाट २ सय २५ तथा सन् २०१८ मा ३६ देशबाट १ सय ७० भन्दा बढी विदेशी प्रतिनिधिहरुको सहभागिता रहेको पाटा नेपाल च्याप्टरले जानकारी दिएको छ।

मार्टले देशको पर्यटकीय गन्तव्य, वस्तु तथा सेवाको प्रचारप्रसार र बजारीकरण लगायत विश्वव्यापी पर्यटन एवं हस्पिटालिटी संघसंस्थाहरु, कम्पनीहरु र हिमालयन पर्यटन क्षेत्र सम्बन्धित विविध क्षेत्रमा आवद्ध व्यवसायी तथा व्यक्तित्वहरु बीच व्यापार आदानप्रदान गराउने असिमित अवसरहरु प्रदान गराउने छ।

तेस्रो हिमालयन ट्राभल मार्टमा आयोजना गरिने कार्यक्रमहरु 'नेपाल भ्रमण वर्ष-२०२०' को पूर्वतयारी एवम् निर्धारित लक्ष्यप्राप्तिमा समेत केन्द्रित रहने पाटा नेपाल च्याप्टरले जानकारी दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

यू- १९ महिला विश्वकपः बंगलादेशलाई नेपालको झिनो लक्ष्य

नेपाल-भारत सुरक्षा बैठक : सीमा अपराध रोक्न सहकार्य गर्ने

गिरिजाप्रसाद कोइराला अन्तर्राष्ट्रिय क्रिकेट रंगशाला निर्माणमा सरकारले ध्यान दिनुपर्छ: प्रचण्ड