काठमाडौं– प्रदेश १ प्रहरीले २ सय ५ थान हतियार संकलन गरेको छ।
गत चैत १ गते सरकारले अवैध हतियार बुझाउन गरेको आदेश अनुसार प्रदेश १ का विभिन्न जिल्लाहरुबाट २ सय ५ थान हतियार संकलन भएको हो।
नेपाल प्रहरीले संकलन गरेका हातहतियार मध्ये १ सय ३० थान सर्वसाधारणहरुले प्रहरीलाई बुझाएका हुन् भने ७५ थानबिभिन्न स्थानहरुबाट बरामद गरिएको हो।
नेपाल सरकारको मन्त्रिपरिषदको चैत १ गतेको निर्णयले ३५ दिन भित्र आफूसंग भएका सबै प्रकारका हातहतियार नजिकको सुरक्षा निकायमा बुझाउन आव्हान गरिएको थियो।
सर्वसाधारणहरुले बुझाएका हातहतियार मध्ये अधिकांश भरुवा बन्दुक रहेका छन्। बुझाएका हातहतियार मध्ये ९५ थानबैध हतियार रहेका छन् भने बाँकी ३५ थाननवीकरण तथा दर्ता नगरेका अबैध हतियार रहेका छन्।
संकलन गरिएका र अवैध रुपमा फेला परेका हातहतियार मध्ये सबैभन्दा बढी १६७ थान भरुवा बन्दुक रहेका छन्। यसैगरी एक नाले टोटा १३ नाल, म्यागनम १ नाल, २ नाले टोटा ४ नाल, जोरनाले बन्दुक ६ नाल, २ नाले ब्रिज लोडिङ १ नाल, एरगन १ नाल, सर्ट गन १ नाल, सानो चाईनिज पेस्तोल २ थानर ९ थान थानमात्र रहेका छन्।
प्रदेश १ मा सबैभन्दा बढी ताप्लेजुङ जिल्लामा हातहतियार संकलन भएको छ।
ताप्लेजुङ जिल्लामा मात्र ३८ जनाले आफूसंग भएका लाईसेन्स प्राप्त हातहतियार बुझाएका छन् भने ७४ थानहतियार वेवारीसे अवस्थामा फेला परेका छन् । यसैगरी पाँचथरमा ३५ थान, तेह्रथुममा २८ थान, मोरङमा १५ थान, ईलाममा ११ थान र भोजपुरमा २ थान हतियार संलकन भएका छन्।
वैधानिक रुपमा हातहतियार राख्ने सर्वसाधारणले हरेक पाँच बर्षमा जिल्ला प्रशासन कार्यालयमा नवीकरण गर्नुपर्ने प्रावधान रहेको छ। ५ वर्षमा नवीकरण नभएमा स्वतः अवैध हुने प्रावधान छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।