काठमाडौँ- श्रीलंकाको राजधानी कोलोम्बोमा भएका विभिन्न बम विस्फोटमा परी १ सय ५६ भन्दा बढी मानिसको मृत्यु भएको छ। घाइते हुनेको संख्या ४ सय भन्दा बढी रहेको बताइएको छ। यसपछि सरकारले देशभर कर्फ्युको आदेश जारी गर्दै सामाजिक सञ्जाल समेत बन्द गरेको छ। शनिबार बेलुका भएको विस्फोटले बढी धनजनको क्षति गरेको बताइएको छ।
आइतबार बिहानसम्ममा लगातार आठौं विस्फोट भएका विभिन्न समाचार संस्थाले उल्लेख गरेका छन्। आइतबार बिहान राष्ट्रिय चिडियाघर नजिकै रहेको होटेलमा ठुलो बम बिस्फोट भएको थियो। त्यहाँको विस्फोटमा २ जनाको मृत्यु भएको थियो। यसको विस्तृत विरवण भने आई नसकेको प्रहरीले जनाएको छ।
आइतबार बिहानै कोलोम्बोका विभिन्न स्थानमा रहेका ३ गिर्जाघर र ३ होटलमा ६ बम विस्फोट गराइएको थियो।
मृत्यु हुनेमा ३५ जना विदेशी नागरिक समेत रहेको बताइएको छ। तर, उनीहरु कुन-कुन देशका नागरिक थिए भन्ने पहिचान भने हुन सकेको छैन्।
देशभर कर्फ्यु
श्रीलंका सरकारले विस्फोटका घटना भएसँगै तत्कालन लागू हुने गरी देशभर कर्फ्यु घोषणा गरेको छ।
प्रधानमन्त्री रनिल विक्रमासिङ्घेले सुरक्षा परिषद्का उच्च सैन्य अधिकारीससित आस्मिक बैठक गरेरका छन्। उद्धारका लागि २ सय भन्दा बढी सेना परिचालन गरिएको छ।
त्यस्तै प्रधानमन्त्रीले सामेबार संसद् सम्मेलन समेत बोलाएका छन्।
सरकारले गलत सूचना प्रवाह हुनबाट रोक्ने भन्दै फेसबुक, वाट्सएप लगायतका समाजिक संजाल समेत बन्द गरेको छ।
कसले गरायो विस्फोट?
श्रृंखलाबद्ध रुपमा भएका बम विस्फोटको घटनामा कसेको हात थियो भन्ने अहिलेसम्म खुल्न सकेको छैन्। घटनाको अहिलेसम्म कुनै पनि समहूले जिम्मा लिएको छैन्।
तर श्रीलंकाका रक्षामन्त्री रुवान विजेवर्दनेले यस घटनालाई आतंककारी भन्दै दोषी चिनिसकिएको बताएका छन्। उनले घटनाबारे गुप्तचर निकाय, प्रहरी र सेनाले अनुसन्धान गरिरहेको भन्दै देशमा सञ्चालित कुनै पनि अतिवादी समूहविरुद्ध कारबाही गर्ने घोषणा पनि गरेका छन्।
तर १० दिनअघि नै आक्रमणको गोप्य सूचना आएको थाहा भएको छ। एनटिजे भनिने श्रीलंकाको एउटा मुस्लिम समूहले मुख्य गिर्जाघरहरुमा बिस्फोटको योजना बनाएको सूचना एउटा विदेशी गुप्तचर निकायले उपलब्ध गराएको बताइएको छ।
समाचार संस्था एएफपीका अनुसार श्रीलंका प्रहरी प्रमुखले आइतबार आक्रमण हुनुभन्दा १० दिनअघि नै आत्मघाती आक्रणकारीले मुख्य गिर्जाघरहरुमा आक्रमण गर्ने योजना बनाएको सूचना देशभर जारी गरेका थिए।
प्रहरी प्रमुख पुजुथ जयसुन्दराले अप्रिल ११ मा उच्च स्तरका अधिकारीलाई आक्रमणको गोप्य सूचना दिएका थिए।
‘एनटिजेले मुख्य गिर्जाघर र कोलोम्बोस्थित भारतीय हाइ कमिसनमा आक्रमण गर्ने विवरण एउटा विदेशी गुप्तचर निकायले दिएको छ,’ उक्त चेतावनीपूर्ण सूचनामा भनिएको छ।
गत वर्ष बुद्धका मुर्ति तोडफोड भएको घटनासँग एनटिजे जोडिएपछि चर्चामा आएको थियो।
नेपालद्वारा आक्रमणको निन्दा
नेपालले शृखंलाबद्ध विस्फोटको निन्दा गरेको छ। घटनाप्रति दुःख व्यक्त गर्दै प्रधानमन्त्री केपी शर्मा ओलीले यो मानवता विरोधी काम भएको बताएका छन्।
‘नेपाल सरकार मानवताविरोधी यस्तो कामको सक्त निन्दा गर्दछ,’ श्रीलंकाका प्रधानमन्त्री विक्रमासिंघेलाई ओलीले पठाइएको पत्रमा भनिएको छ, ‘यस्तो आपराधिक कर्म गर्ने दोषीलाई चाँडै न्यायको कठघरामा ल्याइने छ भन्ने दृढ विश्वास व्यक्त गर्न चाहान्छु। नेपाल कुनै पनि स्वरुपको अतंकवादकाको निन्दा गर्दछ।’
ओलीले नेपाल सरकार र नेपाली जनताका तर्फबाट विस्फोटमा ज्यान गुमाउनेका परिवारप्रति समवेदना समेत व्यक्त गरेका छन्। त्यस्तै घाइतेको शीघ्र स्वास्थ्य लाभको समेत कामना गरेका छन्।
यसअघि परराष्ट्रमन्त्री प्रदीप ज्ञवालीले पनि उक्त विस्फोटको निन्दा गर्दै कुनै पनि स्वरुपको आतंकवादको नेपालले भर्त्सना गर्ने बताएका छन्।
समाजिक सञ्जाल ट्विटरमार्फत मन्त्री ज्ञवालीले नेपाल र नेपाल सरकारका तर्फबाट मृतकका परिवार, श्रीलंका र त्यहाँका जनताप्रति सहानुभूतिसमेत प्रकट गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769064009.png)
-1764146706.png)
