काठमाडौं– नर्भिक इन्टरनेसनल हस्पिटलले शनिबार विशेष समारोहका साथ स्थापनाको २६औँ वार्षिकोत्सव मनाएको छ।
समारोहमा बोल्दै नर्भिकका अध्यक्ष वसन्त चौधरीले आगामी तीन वर्षभित्र २ अर्बको लागतमा अत्याधुनिक सुविधासहितका २ सय ५० शय्या थप्ने उद्घोष गरे। उनले नर्भिक हस्पिटले सधैँ बिरामीको सेवामा समर्पित रहेको बताए।
वार्षिकोत्सवको अवसरमा रक्तसञ्चार केन्द्रको उद्घाटनसमेत गरिएको छ। केन्द्रले सर्वसाधारणलाई आवश्यक पर्ने रगत भण्डारण गर्ने बताइएको छ।
५० जना कर्मचारीबाट २५ शय्याको नर्सिङ होमबाट सुरु गरेको यस हस्पिटलमा अहिले ९ सय जना कार्यरत छन्।
कार्यक्रममा स्नायुरोग विभागीय प्रमुख डा पंकज जलानले नयाँ उचाइमा पुग्दै जाँदा चुनौती पनि थपिने बताउँदै सामाना गर्न नर्भिक सक्षम रहेको बताए।
ग्याष्ट्रो इन्टेरोलोजी विभागीय प्रमुख डा मधु घिमिरेले पाचन प्रणाली उपचारमा इआरसीसी, इण्डोस्कोपी, अल्ट्रासाउन्ड, इन्टेरेस्कोपीजस्ता प्रविधि भित्र्याउन नर्भिकले अग्रणी भूमिका खेलेको उल्लेख गरेका थिए।
त्यसैगरी हस्पिटलकी प्रसूति तथा स्त्रीरोग विभागीय प्रमुख डा अचला वैद्यले सब फर्टिलिटी, फिटल मनिटरिङ, मेनोपज लगायत विशेषज्ञ उपचार दिँदै आएको बताइन्।
उपचारमा नविनतम प्रविधि भित्र्याउने क्रममा हाल कायरोप्राक्टिक सेवा नेपालमै पहिलोपटक सुरु भएको पनि जानकारी गराइएको छ।
सो अवसरमा हस्पिटलका उत्कृष्ट कर्मचारीहरुलाई पनि सम्मान गरिएको छ।
नर्भिकमा हालत १ सय ५० बेड रहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
