गलकोट- बागलुङ नगरपालिका–४, कुडुँले निवासी ६६ वर्षीय उमानाथ शर्मा ५ दिनदेखि बेपत्ता भएका छन्।
चैत २८ गते बिहान ७ बजेदेखि हालसम्म परिवारको सम्पर्कमा नआएका कारण खोजी गरिदिन परिवारले आग्रह गरेका छन्। जिल्ला प्रहरी कार्यालय बागलुङले शर्माको खोजीकार्य गरे पनि हालसम्म फेला पर्न नसकेको बताएको छ।
परिवारले शर्माका बारेमा दिएको जानकारीका आधारमा ४ दिनसम्म खोजीकार्य गर्दासमेत फेला नपरेको जिल्ला प्रहरी कार्यालय बागलुङका प्रमुख प्रहरी उपरीक्षक कृष्णहरि शर्माले बताए।
५ दिनसम्म परिवारको सम्पर्कमा नआएका कारण सबैलाई खोजी गरिदिन आग्रह गरिएको परिवारका आफन्त भोलानाथ आचार्यले बताए। शर्माको खोजी गर्नका लागि स्थानीय दिनभर ढोडेनी तथा कालीगण्डकी किनारमा जाने भए पनि शर्मा फेला पर्न सकेका छैनन्।
शर्मा साविक बागलुङ नगरपालिका–१० का पूर्ववडाध्यक्ष हुन्। सामाजिक भावना भएका शर्मा बिना कारण बेपत्ता भएको परिवारले जनाएको छ। शर्मालाई बेपत्ता हुँदाको दिन स्थानीयले घरबाट तल ढोडेनी भन्ने ठाउँमा देखेको प्रहरीले जनाएको छ। घरदेखि तल ठूलो भीर र कालीगण्डकी नदी रहेको छ। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772936454.png)
-1772926073.png)
-1764146706.png)
