स्याङ्जा- भूमी व्यवस्था, सहकारी तथा गरिबी निवारणमन्त्री पद्मा कुमारी अर्यालले वालिङ नगरपालिका-२ स्थित छप्राकमा रहेको दलित बस्तीमा झुल वितरण गरेकी छन्। मन्त्री अर्यालले स्वास्थ्य मानिसले मात्रै राम्रोसँग काम गर्नसक्ने बताउँदै मच्छडको टोकाइबाट लाग्नसक्ने रोगबाट बच्नको लागि आफूले दलित बस्तीमा झुल वितरण गरेको बताइन्।
दलित बस्तीमा आएर झुल वितरण गर्नुका साथै आफूहरुका कुरा गुनासो मन्त्रीलाई नै सुनाउन पाएपछि खुसी लागेको जमानसिङ नेपालीले बताए। २ सय ५ घर रहेको दलित बस्ती छप्राकमा प्रत्येक घरका लागि एक/एक वटा र ७० वर्षभन्दा माथिका वृद्धाहरुलाई पनि मन्त्री अर्यालले झुल हस्तान्तरण गर्दै झुल लगाएर मात्र सुत्न आग्रह गरेकी थिइन्।
यसैबिच स्याङ्जाको वालिङ नगरपालिका-२ स्थित छप्राकमा दलित महिलाहरुद्वारा स्थापना गरिएको सिद्धबाबा श्रमिक महिला सहकारी संस्था लिमिटेडको उद्घाटन गर्दै मन्त्री अर्यालले सरकार जनताको जीवनमा परिवर्तन ल्याउने अभियानमा रहेको बताएकी छिन्।
सरकार जनताको जीवनमा परिवर्तन ल्याउने कार्यमा योजनाबद्ध ढगंले लागेको भन्दै उनले सरकारका कामले पूर्णता पाउन समय लागे पनि जनताले अनुभुत गर्ने गरी सरकारले जनताको जीवनस्तरमा देखिने गरी परिवर्तन ल्याउने दाबी गरिन्। काम गर्दा पारदर्शी किसिमले गर्नुपर्ने उनकाे धारणा थियाे।
मन्त्री अर्यालले सरकारले पठाएको बजेट तोकिएकै ठाउँमा प्रयोग गर्नसमेत निर्देशन दिइन्। ‘सरकारले जुन ठाउँको लागि बजेट पठाएको छ स्थानीय तहले सोही ठाउँमा प्रयोग गर्नुस्। त्यस्तो नगरेर अन्यत्र प्रयोग गरेमा सरकारले हस्तक्षेपसमेत गर्ने अवस्था आउनसक्छ। त्यसकारण तपाईंहरु सचेत रहनुहोस्', मन्त्री अर्यालले भनिन्।
मन्त्री अर्यालले श्रमिकलाई हेलोहोचो गरेर देशको विकास नहुने भन्दै सरकारले श्रमिकहरुलाई सम्मान गर्ने मन्त्री अर्यालले बताइन्। काम गरेर कोही सानो नहुने भन्दै उनले श्रमिकहरुलाई कामको उचित मूल्य दिनुपर्ने समेत बताए। 'गरिब हुनु मानिसको कमजोरी होइन। जन्मदै कोही धनी भएर आउँदैन धनी हुने एउटै मात्र उपाय छ। त्यो परिश्रम हो। परिश्रम गर्न पछि पर्न हुँदैन', मन्त्री अर्यालले भनिन्।
मन्त्री अर्यालले घरबारविहिन जनताका लागि सरकारले 'जनता आवास कार्यक्रम' सञ्चालन गरेको बताउँदै असुरक्षित घर तथा खरका छाना भएकाहरुलाई विस्थापित गरेर सुरक्षित बस्ती बनाउने अभियान अन्तर्गत जस्तापाताले घर छाउनको लागि प्रतिघर ५० हजार रुपैयाँका दरले उपलब्ध गराउने पनि बताइन्।
चापाकोट नगरपालिकामा विपन्नका लागि आएको जनता आवास अन्तर्गको कार्यक्रममा सम्पन्नशालिले सुविधा लिएको र त्यो सरकारले फिर्ता गराएको स्मरण गराउदै उनले अशक्तका नाममा आएको सेवा सुविधा अरुले प्रयोग गरे त्यस्तो कार्य सरकारलाई सह्य नहुने स्पष्ट पारिन्।
यसैगरी मन्त्री अर्यालले भीरकोट नगरपालिकास्थित नयाँ कृषि अभियान कृषि सहकारीको प्रथम साधारणसभाको उद्घान गदै सरकार कृषि सहकारीका माध्यमबाट गाउँगाउँमा रोजगारी सिर्जना गर्ने योजनामा रहेको बताइन्। सहकारीले अब रोजगार मुलक कामका साथै उत्पादनको क्षेत्रमा काम गर्नुपर्ने उनको भनाइ थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772936454.png)
-1772926073.png)
-1764146706.png)
