काठमाडौँ- नेपाली सेनाबाट निर्माण गर्ने सडक आयोजनामा चट्टान फोर्न प्रयोग गरिने विस्फोटक पदार्थ नियमभन्दा बढी प्रयोग हुने गरेको पाइएको छ।
सेनाले चट्टान फोर्दा सडक आयोजनासम्बन्धी मार्गदर्शन, (२०४९) को बुँदा २ मा रहेको विस्फोटक पदार्थ प्रयोग सम्बन्धी नियमसमेत उल्लघंन गर्ने गरेको महालेखा परीक्षकको कार्यालयले शुक्रबार सार्वजनिक गरेको वार्षिक प्रतिवेदनमा उल्लेख छ।
नेपाली सेनाबाट निर्माण गरिने सडक आयोजनासम्बन्धी मार्गदर्शन, (२०४९) को बुँदा २ मा चट्टान फोर्न प्रयोग गरिने विस्फोटकलाई न्यून गर्नेतर्फ ध्यान दिने उल्लेख छ।
सडक विभागबाट सडक निर्माणका लागि २०६५ मा पारित नियमबमोजिम कडा चट्टानका लागि प्रति घनमिटर ०.२५ के.जी. जिलेटिन (विस्फोटक पदार्थ)खर्च हुने उल्लेख छ।
नेपाली सेनाद्वारा निर्मित मैलुङ-स्याफ्रुबेंसी सडकखण्डमा तोकिएको नियमभन्दा प्रति घनमिटर ०.०८ केजी र कर्णाली करिडोरमा प्रति घनमिटर ०.११ केजी बढी विस्फोटक पदार्थ खर्च भएको प्रतिवेदनमा उल्लेख छ।
प्रतिवेदनमा विस्फोटक पदार्थको प्रयोग आवश्यकताभन्दा बढी भएमा वातावरणमा असर पुग्न भन्दै महालेखा परीक्षक कार्यालयले अत्यावश्यकीय र कडा चट्टान फोर्नका लागि मात्र विस्फोटक पदार्थको प्रयोग गर्न सुझाएको छ।
नेपाली सेनाको विकास निर्माण निर्देशनालयले विभिन्न भवन, सडक जस्ता पूर्वाधार निर्माणका कार्य गर्ने गरेको छ। निर्देशनालयले हालसम्म २७ सडक आयोजनाको ट्र्याक निर्माण गर्नजिम्मेवारी पाएकोमा अहिलेसम्म २३ आयोजना सम्पन्न गरी सडक विभागलाई हस्तान्तरण गरिसकेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766980460.png)
-1764146706.png)
-1766928868.png)
-1766648928.png)
