काठमाडौं– प्राध्यापक डाक्टर सुुरेशराज शर्मा सम्मानित भएका छन्। युुलेन्स स्कुलले काठमाडौं विश्वविद्यालयका संस्थापक उपकुुलपति प्राडा शर्मालाई उनले नेपालको शिक्षा क्षेत्रमा पुुर्याएको योगदानको कदर गर्दै सम्मान गरेको हो।
ललितपुर खुमलटारमा शनिबार युुलेन्स स्कुलले आइबिडिपी (इन्टरनेसनल ब्याक्कलरेट डिप्लोमा प्रोग्राम) कोर्स सञ्चालनका लागि निर्माण गरेको नयाँ भवनको उद्घाटन कार्यक्रममा प्राडा शर्मालाई प्रधानमन्त्री शेरबहादुर देउवाले सम्मान गरेका हुन्। युलेन्सले उक्त भवनको नाम नै प्राडा सुरेशराजको नाममा राखेको छ।
कार्यक्रममा प्रधानमन्त्री देउवाले गुुणस्तरीय शिक्षामा लगानी बढाउनुपर्ने आवश्यकता रहेको बताए। उनले अन्तर्राष्ट्रिय स्तरको शिक्षा नेपालमा उपलब्ध गराएर युुलेन्स स्कुलले खेलेको भूमिका अनुकरणीय रहेको बताए।
सम्मान ग्रहण गर्दै प्राडा शर्माले आफूले शिक्षा क्षेत्रमा पाँच दशकभन्दा लामो समय बिताएको स्मरण गर्दै आगामी दिनमा पनि शिक्षा क्षेत्रमै योगदान दिने उल्लेख गरे। उनले भने, ‘म यत्रो सम्मान पाउन योग्य थिएँ/थिइनँ मलाई थाहा छैन। तर, युुलेन्सले विद्यालयको भवन मेरै नामबाट राख्न गरेको प्रस्ताव मैले सहर्ष स्वीकार गरेको छु।’
कार्यक्रममा राष्ट्रिय योजना आयोगका उपाध्यक्ष डा स्वर्णिम वाग्लेले नेपालमा शिक्षामा राम्रो प्रगति भइरहेको उल्लेख गर्दै भने, ‘सामुदायिकविद्यालयमाभर्ना दर एकदमै राम्रो छ, तर शिक्षामा गुुणस्तर वृद्धि हुन सकिरहेको छैन। अब गुुणस्तरमा ध्यान दिने र लगानी गर्ने बेला भएको छ।’
युलेन्स स्कुल सञ्चालक समिति अध्यक्ष आरजु राणा देउवाले अन्तर्राष्ट्रिय स्तरको शिक्षा उपलब्ध गराउने सपना १० वर्ष भित्रमै पूरा गरेको बताइन्।
कार्यक्रममा युलेन्स फाउन्डेसनका संरक्षक बेल्जियमका समाजसेवी गाय युलेन्स र श्रीमती मरियम युुलेन्सको पनि उपस्थिति थियो। गाय युलेन्सले नेपालमा कृषि सम्बन्धी शिक्षाको आवश्यकता रहेको बताए। उनले नेपालको शिक्षा क्षेत्रमा सहयोग गर्न पाउँदा अत्यन्त खुसी लागेको बताएका थिए।
११ वर्षअघि स्थापना भएको गैरनाफामूलक युुलेन्स स्कुलमा अहिले ८ सयभन्दा बढी विद्यार्थी अध्ययनरत छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
_OHnC2j8U2n-1781168997.jpg)
-1764146706.png)
