काठमाडौं– आठौं राष्ट्रिय खेलकुदअन्तर्गत ट्रायाथलन प्रतियोगिता पोखरामा आयोजना हुने भएको छ।
नेपालगञ्जमा हुने भनिएको ट्रायथलन पोखरामा सारिएको जानकारी नेपाल ट्रायथोलन संघका अध्यक्ष निलेन्द्रराज श्रेष्ठले जानकारी दिए। प्रतियोगिता यहि चैत ३० गते हुने भएको छ। ‘हामीले प्रदेश ५ को परेवा तालमा ट्रयाथलन आयोजना गर्ने भनेका थियौं तर उक्त स्थल धार्मिक लगाएत अन्य विविध कारणले उक्त स्थानमा हुन सकेन अनि पूर्वाधार भएको पोखरामा गर्ने सोच बनाएका हौं’ अध्यक्ष श्रेष्ठले भने।
नेपालगञ्जमा हुन नसकेपछि काठमाडौंमा गर्ने भनिए पनि पूर्वाधारको अभावले पोखरा नै उत्कृष्ट स्थलको रुपमा चयन गरिएको अध्यक्ष श्रेष्ठले जानकारी दिए। ट्राईयाथलनका लागि १५ सय मिटरको पौडी पोखरी आवश्यक भएकाले पोखरालाई उचित स्थलको रुपमा लिएको उनले बताए।
अध्यक्ष श्रेष्ठले संघले हरेक वर्ष आयोजना गर्दै आइरहेको एशियन ट्रायथलन च्याम्यिनसिपलाई अन्तर्राष्ट्रिय ट्रायथोलन महासंघले मान्यता प्रदान गरेकोले अब उक्त प्रतियोगिता एशिया कपको रुपमा संचालन हुने बताए। अप्रिल २७ अर्थात् २०७६ वैशाख १४ गते दक्षिण एशियामा नै पहिलो पटक ट्रायथललनको एशिया कप पोखरामा आयोजना हुनेछ।
पोखरामा एशिया कप सहित साउथ एशियन ट्रायाथलन च्याम्पियनशिप सहित दुई वटा इभेन्टहरु संगै सञ्चालन हुनेछन। साउथ एशियन ट्रायाथलन च्याम्पियनशिप भने सातौं पटक हो। एशिया कपका लागि एशिया बाट मात्रै नभई विश्वभरिका ट्रायाथलन खेलाडी पोखरा आउने अध्यक्ष श्रेष्ठले बताए। चैत ३० गते हुने राष्ट्रिय खेलकुदबाट समेत उक्त प्रतियोगिताका लागि नेपाली खेलाडीको छनोट गरिने छ।
प्रतियोगितामा ट्रायाथलन, दुआथलन र मिक्स टिम रिले गरि तीन वटा इभेन्टहरु हरु हुने अध्यक्ष श्रेष्ठले बताए। जसमा ट्रायाथलन अन्तरगत स्प्रिन्टमा साइक्लिङ २० किलोमिटर, स्विमिङ ७५० मिटर ५ किलोमिटरको दौड हुनेछ भने दुआथोलन स्प्रिन्टमा ५ कि.मि. दौड, २० किलोमिटर साइक्लिङ, २.५ किलोमिटरको दौड हुनेछ। मिक्स डबल्समा २÷२ जना महिला र २÷२ जना पुरुषको टिमले प्रतिष्पर्धा गर्नेछन्। आयोजकले प्रतियोगिताको लागि गौरीघाट देखि मुस्ताङ चोकसम्मको स्थललाई तोकेको छ।
आठौं राष्ट्रिय खेलकुद अन्तरगत कुल ४७ जना खेलाडीको सहभागिता रहनेछ। राष्ट्रिय खेलकुद प्रतियोगिताका लागि चार प्रदेशका खेलाडीहरुको दर्ता हुनु पर्नेमा समयमानै खेलाडीहरुलो आफ्नो प्रदेशबाट दर्ता नगरेका कारण खुल्ला प्रतिस्पर्धा गराईन लागिएको हो। ट्राइयाथलनमा सोझै खेल्ने अवसर भएकोले पनि खेलाडीको संख्या बढन सक्ने श्रेष्ठले बताएका छन्। अहिले सम्म नेपाली सेना बाट १२, शसस्त्रको एपिएफ क्लब बाट १४, प्रदेश ३ बाट ७, गण्डकी प्रदेश बाट ५, प्रदेश ५ बाट ६, प्रदेश ६ बाट १, जाजरकोट बाट १ र रुकुम बाट २ जना खेलाडीको सहभागिता निश्चित भइसकेको छ। जसमध्ये १७ जना महिला खेलाडी रहेका छन्।
'फेवातालको पानी प्रदुषित छ नी?' भन्ने प्रश्नमा अध्यक्ष श्रेष्ठले फेवातालको पानी अन्तर्राष्ट्रिय महासंघमा परिक्षण गराइसकेको बताए। उनले कुनै पनि अन्तर्राष्ट्रिय प्रतियोगिता हुनुपूर्व अन्तर्राष्ट्रिय महसंघमा पानीको परिक्षण गर्नुपर्ने अनिवार्यता रहेकोले पानीको शुद्धता परिक्षण गराइएको जानकारी दिँदै भने–‘फेवातालको पानी सोझै पिउन मिल्दैन तर पौडीका लागि कुनै हानीकारक छैन।’ यो सबै परिक्षणबाट प्रमाणित भइसकेको उनले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1765448306.png)
-1764146706.png)
-1763721444.png)
-1765273665.jpg)
