काठमाडौं– महिलालाई जबरजस्ती गर्न खोज्ने पुरुषविरुद्ध प्रहरीले अभद्र व्यवहारमा मुद्दा दर्ता गरेर मुद्दा कमजोर बनाएको पीडित पक्षले आरोप लगाएका छन्।
सिन्धुपाल्चोकको मेलम्ची नगरपालिका–१२ सिन्धुखोला बस्ने वर्ष ४३ को ऋषिराम तिवारीले सोही ठाउँकी एक महिलालाई जबरजस्ती गर्न खोजेका थिए।
पीडित पक्षले बलात्कार गर्न खोजेको भन्दै इलाका प्रहरी कार्यालय मेलम्चीमा निवेदन दिएका थिए। पीडित पक्षको निवेदन आएपछि प्रहरीले तिवारीलाई पक्राउ गरेर अनुसन्धान अघि बढाएको छ।
फागु पूर्णिमाको दिन नुहाइरहेका बेला तिवारीले जबर्जस्ती गर्न खोजेको पीडित पक्षको आरोप छ। तर, प्रहरीले तिवारीलाई महिलामाथि अभद्र व्यवहार गरेको भन्दै अभद्र व्यवहारमा मुद्दा दर्ता गरेर अनुसन्धान सुरु गरेको छ।
यसबारे मेलम्चीका प्रहरी निरीक्षक महेन्द्र दर्नालसँग बुझ्दा उनले भने, ‘त्यस्तो बलात्कार प्रयास भन्ने केही पनि देखिँदैन। प्रमाण पनि छैन। अभद्र व्यवहार गरेको देखिएकाले सोही केशमा मुद्दा दर्ता गरेर अनुसन्धान गरेका छौं।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1770562345.jpg)
