चैत्र २७ देखि ललितपुरमा ‘अन्तराष्ट्रिय व्यापार मेला’

कर्पोरेट

नेपाल लाइभ आइतबार, चैत २४, २०७५ १५:३६

ललितपुर- ललितपुरमा ‘अन्तराष्ट्रिय व्यापार मेला’ आयोजना हुने भएको छ।

ललितपुरको कला, संस्कृति र हस्तकलाका सामग्रीलाई अन्तराष्ट्रिय बजारमा प्रवर्द्धन गर्ने मूल उद्देश्यका साथ सो मेला आयोजना गर्न लागिएको हो।

ललितपुर उद्योग वाणिज्य संघले आईतबार काठमाडौंमा पत्रकार सम्मेलन गरी यही चैत्र २७ गते बुधबारबाट सुरु हुने मेला बैशाख १ गते आईतबारसम्म चल्ने जानकारी गराएको छ।

'ललितपुरको कला, संस्कृति र हस्तकलाका सामग्रीहरुको अन्तराष्ट्रिय बजारमा प्रवर्द्धन गर्ने मूल उद्देश्यका साथ मेला आयोजना गर्न लागिएको हो,' संघका अध्यक्ष कृष्णलाल महर्जनले भने।

५ दिनसम्म चल्ने मेला ललितपुरको नःटोलस्थित मदन स्मारक माध्यामिक विद्यालयको प्राङगनमा आयोजना हुनेछ।

उपराष्ट्रपति नन्दबहादुर पुनले उद्घाटन गर्नु हुने मेलामा भारत, चीन, पाकिस्तान, बंगलादेशसहित १ सय भन्दा बढी स्टल रहनेछन्।

मेलामा करिब ५ लाखले अवलोकन गर्ने र ५ करोड रुपैँया बराबरको आर्थिक कारोबार हुने अपेक्षा गरिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुडानमा विद्रोही अर्धसैनिक समूहको आक्रमणमा १४ जनाको मृत्यु

खो खो विश्वकप : पुरुषतर्फ पनि नेपाल उपविजेता, भारत च्याम्पियन

कोलम्बियामा विद्रोहीको आक्रमणमा परी ६० जनाको मृत्यु