डडेलधुरा- उद्योग वाणिज्य संघ, डडेलधुराको अध्यक्षमा लोकराज भट्ट निर्वाचित भएका छन्। शनिबार सम्पन्न निर्वाचनको मतपरिणाम अनुसार भट्टले ५ सय १० मत प्राप्त गरी विजयी भए। उनले प्रतिद्वन्दि भोजराज भट्टभन्दा ११ बढी मत प्राप्त गरेका थिए।
अध्यक्षमा पराजित भोजराज भट्टले १ सय मत भएको मतपेटिकामा ६ मत बढी खसेकाे भन्दै चुनावमा धाँदली गरेको आरोप लगाएका छन्। सुरुदेखि नै भोजराज भट्टले अग्रता लिएपनि अन्तिम पेटिकामा भएका ६८ मतमध्ये लोकराज भट्टको पक्षमा ४७ मत खसेपछि उनी विजयी भएका निर्वाचन अधिकृत हरिप्रसाद भट्टले जानकारी दिए। अन्तिम पेटिकाबाट भोजराज भट्टले २१ मत मात्रै प्राप्त गरेका थिए।
इतबार बिहान सम्पन्न मतगणनाको परिणामअनुसार सचिवमा वासुदेव जोशी निर्वाचित भएका छन्। उनले ४ सय ९५ मत प्राप्त प्राप्त गरेका छन्। उनका प्रतिद्वन्दि विष्णु राज जोशीले ४ सय ८३ मत प्राप्त गरेका निर्वाचन अधिकृत भट्टले जानकारी दिए।
यसअघि संघको प्रथम उपाध्यक्षमा द्धिजराज भट्ट, द्धितिय उपाध्यक्षमा दिपक महता, महाचिवमा खेमराज अवस्थी र कोषाध्यक्षमा लालमणि पन्त निर्विरोध निर्वाचित भएका थिए।
शनिबार बिहान ९ बजेबाट सुरु भएको मतदान साँझ साढे ५ बजे सकिएको थियो। मतगणना राति ११ बजेबाट सुरु भएको थियो ।
वाणिज्य संघको अध्यक्ष, सचिव र १० जना सदस्यका लागि निर्वाचन भएको थियो। संघमा कूल १ हजार २ सय ९८ सदस्य रहेकोमा निर्वाचनमा कुल १ हजार ४८ मत खसेकाे मुख्य निर्वाचन अधिकृत भट्टले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
