नयाँ दिल्ली– ‘स्टारहरुको जीवन कुनै बिरुवाको पातमा ढल्पलाएको पानी जस्तै हुन्छ कि भन्ने लाग्छ,' भारतीय फिल्मी पत्रिकासँग लामो कुराकानी गर्दै दुई वर्षअघि अभिनेत्री प्रियंका चोपडाले भनेकी थिईन्, ‘कलाकारहरु पनि अरु मान्छेजस्तै हुन्। उनीहरुका पनि आफ्नै संर्घष र भावना हुन्छन्। आफ्नै इमोसन र फ्रस्टेसन हुन्छन्।’
उनै अभिनेत्री चोपडा अहिले आफ्नो निजी जीवनबारे बाहिरिएको गसिपका कारण तनाबमा छन्। निक जोन्ससँग डिसेम्बर १ मा विवाह गरेकी प्रियंका अहिले सम्बन्ध विच्छेदको खबरबाट आक्रान्त बनेकी छिन्।
हालै मात्र ओके नामको अंग्रेजी म्यागजिनले यो जोडीले सम्बन्ध बिच्छेद गर्न लागेको खबर छापेको छ। यही आधारमा फिल्मी जगतमा मिडियाहरुले अनेकन अनुमानहरु प्रस्तुत गरेका छन्। सामग्रीहरु एकोहोरा छन्।
ओके म्यागजिनले यस अघि पनि प्रियंका र निकको सम्बन्धलाई लिएर तितो खबर छापेको थियो। यसपटकको खबरमा भने बिहेपछि प्रियंकाको व्यवहार बदलिएको र निक यसबाट आहत बनेको विषय केन्द्रमा राखिएको छ।
ओके म्यागेजिनले लेखेको छ, ‘प्रियंका र निक छिट्टै नै डिभोर्स गर्दैछन्।’
तर प्रियंका र निकको परिवारका सदस्यहरुले भने यस्ता गसिपहरुको कुनै सत्यता नरहेको बताइरहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
