निर्माणाधीन नेपालगञ्ज रङ्गशाला
काठमाडौं– प्रदेश नम्बर ५ मा आयोजना आगामी वैशाख ५ गतेदेखि हुने आठौं राष्ट्रिय खेलकुद प्रतियोगितामा ३५ वटा खेलमा प्रतिस्पर्धा हुँदैछ। प्रतियोगितामा सात प्रदेश, तीन विभागीय टिम र गैरआवासीय नेपाली टिम गरी ११ टिमका खेलाडीले प्रतिस्पर्धा गर्ने राष्ट्रिय खेलकुद परिषदले जनाएको छ।
आठौं राष्ट्रिय खेलकुदमा प्रतिस्परधा हुने खेलहरु
१. फुटबल २. एथलेटिक्स ३. बक्सिङ ४. भारोत्तोलन
५. टेवल टेनिस ६. क्रिकेट ७. लन टेनिस ८. पौडी
९. सुटिङ १०. भलिबल ११. स्क्वास १२. तेक्वान्दो
१३. जुडो १४. आर्चरी १५. कवड्डी १६. खो खो
१७. ऊसु १८. बास्केटवल १९. व्याडमिन्टन २०. साईक्लिङ
२१. कराते २२. कुस्ती २३. फेन्सीङ २४. ट्रायथलन
२५. प्याराग्लाईडिङ २६. गल्फ २७. ह्याण्डवल म÷पु २८. बुद्धिचाल
२९. सफ्टटेनिस ३०. आई.टि.एफ.तेक्वान्दो ३१. सेपाकताक्रो ३२. जिम्न्याष्टिक
३३. शारिरीक सुगठन ३४. फुलकन्ट्याक्ट कराते ३५. हक्कि
आठौं राष्ट्रिय खेलकुद हाइलाइट्स
जिल्ला स्तरिय खेलाडी छनौटका लागि जिल्लामा खेलाडी दर्ता भएको आधारमा कोटा निर्धारण गरि ७७ जिल्ला खेलकुद विकास समितिबाट खेलाडी छनौट सम्पन्न गरिसकिएको र यसका निमित्त रु. ३ करोड ५ लाख ४० हजार खर्च भएको थियो।
प्रदेश प्रतियोगिता तथा छनौट, वन्द प्रशिक्षण, यातायात समेतका लागि ७ वटा प्रदेशलाई १९ करोड ९० लाख निकासा गरि ३ नं. र सुदुरपश्चिम प्रदेशको तेक्वान्दो छनौट बाहेक ३५ वटै खेलका खेलाडीहरु छनौट भई सकेको छ। ३ नं. प्रदेशको तेक्वान्दो खेलको प्रदेश छनौट मिति २०७५÷१२÷२३ देखि २५ सम्म र सुदुरपश्चम प्रदेशको तेक्वान्दो खेलको प्रदेश छनौट मिति २०७५÷१२÷२० देखि २२ गतेसम्म छनौट सम्पन्न गरिनेछ।
राष्ट्रिय खेलकुद प्रतियोगिता संचालन निर्देशिका – २०७५ आर्थिक कार्यविधि तथा खर्चका नम्सहरु सहित नेपाल सरकार मन्त्री परिषदको निर्णयानुसार युवा तथा खेलकुद मन्त्रालयबाट मिति २०७५÷०९÷२६ गते स्वीकृती भई कार्यान्वयनमा आइसकेको छ।
विभागीय टिम (नेपाल आर्मी, नेपाल प्रहरी, शसस्त्र प्रहरी वल) लाई खेलाडी छनौट तथा खेल सामाग्रीका निमित्त रु.७,००,०००।– (सात लाख) का दरले रु.२१,००,०००।– (एक्काइस लाख) निकासा गरि सकिएको र सम्वन्धित विभागबाट खेलाडी छनौट भई विभागमै प्रशिक्षणरत रहेका छन्।
गैर आवासिय नेपाली संघ (एन.आर.एन.) को तर्फबाट ९ देशका २४ जना खेलाडीहरुले सहभागीता जनाउने जानकारी प्राप्त भएको छ। १२५ जना भोलेन्टियर प्रशिक्षकहरुलाई ७७ जिल्ला खेलकुद विकास समिति र ७ वटा प्रदेशमा प्रशिक्षण गराउने गरि नियुक्ति दिई कामकाजमा लगाइएको छ।
युवा तथा खेलकुद मन्त्रालयले मन्त्री स्तरिय निर्णयगरि गठन गरेको आठौं राष्ट्रिय खेलकुदका लागि आवश्यक पर्ने बजेट एकिन गर्ने कमिटिको सिफारिसको आधारमा आठौं राष्ट्रिय खेलकुद प्रतियोगिताका लागि रु. ४३,८५,५१,६५०।– देखिएको हुँदा चालु आ.व. मा विनियोजित रु. १७,८४,५९,०००।– र अर्थ मन्त्तालयले थप निकासा गरेको रु. १५०,०००,०००।– समेत गरि रु. ३२,८४,५९,०००।– राष्ट्रिय खेलकुद परिषदका नाममा निकासा गरि सकेको र बा“की नपुग रकम रु. ११०,०९२,६५०।– ( एघार करोड बयाननब्बे हजार छ सय पचास) निकासाका निमित्त युवा तथा खेलकुद मन्त्रालय मार्फत अर्थ मन्त्रालयमा पत्राचार गर्न राष्ट्रिय खेलकुद परिषदको मिति २०७५÷१२÷१५ गते वसेको १११ औं वोर्ड वैठकले निर्णय गरि सकेको छ।
प्रदेश तथा राष्ट्रिय प्रतियोगिताको खेलाडी, प्रशिक्षक, व्यवस्थापक, रेफ्रि, संघ प्रतिनिधिको संख्या तथा कोटा निर्धारण भएको छ भने प्रतियोगिताको निमित्त खेल सामाग्रीको व्यवस्था भईसकेको छ।
राष्ट्रिय खेलकुद परिषदको मिति २०७५÷१२÷१५ गते वसेको १११ औं वोर्ड वैठकको निर्णयानुसार आठौं राष्ट्रिय खेलकदको समुद्घाटन नेपालगन्ज रंगशालामा मिति २०७६-०१-०५ गते साँझ भव्य रुपमा गरिने छ भने समापन मिति २०७६-०१-११ गते साँझ नेपालगन्ज रंगशालामानै भव्य रुपमा सम्पन्न गरिने छ।
यो पनि : आठौँ राष्ट्रिय खेलकुदको तालिका सार्वजनिक, बाँकेमा १७ खेल
प्रतियोगितामा ५२११ जना खेलाडीहरुको सहभागीता रहने छ जस्मा २८२५ पुरुष खेलाडी रहने छन् भने २३८६ महिला खेलाडीहरुको सहभागीता रहने छ। साथै टिम प्रशिक्षक ६४० जना र टिम व्यवस्थापक ४६१ जनाको सहभागिता रहने छ। राष्ट्रिय÷अन्र्तराष्ट्रिय निर्णायक ९२२ र स्थानीय निर्णायक ४७१ समेत गरि जम्मा १३९३ जनाको सहभागिता रहने छ। खेलाडी, अफिसियल, रेफ्रि, जज्, जुरी, उपसमितिमा रहने पदाधिकारी र अन्य अफिसियल समेत गरि १०००० जनाको सहभागिता रहने छ।
विभागीय टिम बाहेकको खेलाडी तथा अफिसियलको खाना, बसोबासका लागि ४६,७१७,२००।– खर्च लाग्ने छ भने रेफ्रिहरुको यातायात र निर्णायक भत्ता तर्फ रु. ५,६३३,५००।– लाग्ने छ। विभिन्न उपसमितिहरु मार्फत आठौं राष्ट्रिय खेलकुद – २०७५ का लागि रु. २७२०००००।– (दुई करोड बहत्तर लाख) खर्च लाग्ने छ।
प्रतियोगितामा ३७२ स्वर्ण, ३७२ रजत र ५६३ वटा कास्य पदकका लागि प्रतिस्पर्धा हुनेछ भने ७९३ वटा स्वर्ण, ७९३ वटा रजत र ११०२ वटा कास्य समेत गरि जम्मा २६८८ वटा मेडलको व्यवस्था गर्नुपर्ने छ।
व्यक्तिगत स्पर्धा तर्फ स्वर्ण पदक विजेता खेलाडीलाई सातौं राष्ट्रिय खेलकुदमा रु. १०,०००।– व्यवस्था गरिएकोमा आठौं राष्ट्रिय खेलकुदमा रु.१५,०००।– र सामुहिक स्पर्धा तर्फ सातौं राष्ट्रिय खेलकुदमा रु. ५०००।– व्यवस्था गरिएकोमा आठौं राष्ट्रिय खेलकुदमा रु. ७०००।– उपलब्ध गराउने व्यवस्था गरिएको छ । स्वर्ण पदक विजेता खेलाडीहरुको लागि व्यक्तिगत स्पर्धातर्फ ५२८००००।– र सामुहिक स्पर्धा तर्फ रु.७९५३,०००।– समेत गरि जम्मा रु. १३,२३३,०००।– (एक करोड बत्तिस लाख तेत्तीस हजार) लाग्ने छ ।
राष्ट्रिय रेकर्ड ब्रेक गर्ने खेलाडी पुरस्कारका लागि जनही रु. २५०००।– हजारका दरले व्यवस्था गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
