काठमाडौं- सिटिजन्स बैंक इन्टरनेसनलको प्रमुख कार्यकारी अधिकृतमा गणेशराज पोखरेल नियुक्त भएका छन्।
कायममुकायम सिइओका रुपमा जिम्मेवारीमा रहेका पाेखरेललाई बैंकको सोमबार बसेको २९५औं सञ्चालक समितिको बैठकले सिइओमा नियुक्ति गरेकाे हाे।
यसअघि राजनसिंह भण्डारी बैंकको सिइओ थिए।
पोखरेल स्थापनाकाल देखिनै बैंकसँग आबद्ध व्यक्ति हुन्। यसबीचमा उनले विभिन्न पदमा रहेर बैंकमा विभिन्न जिम्मेवारीमा रही कार्यसम्पादन गरिसकेका छन्। उनले ०६५ साल देखि दोस्रो बरियतामा रहेर कार्य सम्पादन गर्दै आएका थिए।
व्यवस्थापन क्षेत्रमा दुई दशकभन्दा लामाे कार्यअनुभव बटुलेका पाेखरेलले दुई वटा विषयमा स्नातकाेत्तर गरेका छन्। त्रिभुवन विश्वविद्यालयबाट मार्केटिङ र काठमाडाैं विश्वविद्यालयबाट वित्त व्यवस्थापनमा उनी स्नातकाेत्तर उत्तीर्ण छन्। उनले कानुनमा स्नातकसमेत गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
