काठमाडाैं- साल्ट ट्रेडिङ कर्पोरेशन लिमिटेडले सेयरधनीहरुलाई १० प्रतिशत नगद लाभांश र २५ प्रतिशत बोनस सेयर दिने निर्णय गरेको छ। कम्पनीकाे ५२औं वार्षिक साधारणसभाका अवसरमा साेमबार उक्त निर्णय गरिएकाे हाे।
आर्थिक वर्ष २०७४/०७५ मा भएको कूल मुनाफा १ अर्ब १० करोड ८१ लाख रुपैयाँबाट सेयरधनीलाई १० प्रतिशत नगद लाभांश र २५ प्रतिशत बोनस सेयर दिने निर्णय गरेको कम्पनीले जनाएकाे छ।
कर्पोरेशनको सञ्चालक समितिका अध्यक्ष श्री लक्ष्मीदास मानन्धरले वार्षिक प्रतिवेदन प्रस्तुत गर्दै आव २०७४/०७५ मा कम्पनीले ९ अर्ब ६९ करोड रुपैयाँको कारोबार गर्न सफल भएको जानकारी दिए। अघिल्लो वर्ष ८ अर्ब ५८ करोडको कारोबार भएको थियो।
मानन्धरका अनुसार कर्पोरेशनले यस वर्ष माघ मसान्तसम्म ४ अर्ब ७९ करोड रुपैयाँ बराबरकाे व्यावसायिक कारोबार गरेको छ।
अध्यक्ष मानन्धरले कर्पोरेशनले नेपाल सरकारको निर्देशन पालना गरी सामाजिक उत्तरदायित्व बहन गर्नु परेकाले कुनै वस्तुमा लागत मूल्यभन्दा कम मूल्यमा सामान बिक्री गर्नु परेकोले अपेक्षित रुपमा मुनाफा आर्जन गर्न नसकेको बताए।
चालू आवमा कर्पोरेशनलाई प्राप्त हुने रकमकाे ३० प्रतिशत रकमबाट नेपाल सरकारले अनुदानमा बिक्री वितरण गर्ने रासायनिक मल युरिया २० हजार मेट्रिक टन, डिएपी २० हजार मेट्रिक टन र पोटास २ हजार ५ सय मेट्रिक टन आयात भइसकेको र बाँकि परिमाण यसै आवको अन्त्यसम्ममा आयात भइसक्ने अध्यक्ष मानन्धरले जानकारी दिए।
कर्पोरेशनकी प्रमुख कार्यकारी अधिकृत उर्मिला श्रेष्ठले चिनी आयातमा भएको व्यवधानबारे जानकारी गराउँदै देशको विद्यमान आर्थिक अस्थिरता, बढ्दो प्रतिस्पर्धी बजार समेत यथावत नै रहेको अवस्थामा पनि कर्पोरेशनले विश्वसनीय र गुणस्तरीय सेवा पुर्याउँदै आफ्नो कारोबारमा सकारात्मक सुधारसहित अगाडि बढेको दाबी गरिन्।
व्यावसायिक मर्यादा कायम राख्दै र सामाजिक उत्तरदायित्वको मर्मलाई सम्मान गर्दै कर्पोरेशनले देशका आम नागरिक एवम् उपभोक्ताहरुलाई उच्च गुणस्तरको वस्तुहरु उचित मूल्यमा वर्षभरी उपलब्ध गराउनेतर्फ प्रतिवद्ध रही कार्य गरिरहेको पनि श्रेष्ठकाे भनाइ छ।
कर्पोरेशनले भूकम्प प्रतिरोधात्मक प्रविधिको घर निर्माण गर्ने उद्देश्यअनुसार कर्पोरेशनको समेत लगानीमा 'फ्यूचर वर्क्स विल्डिङ्ग सोलुसन प्रालि' नामक कम्पनी स्थापना गरी निर्माण सामग्रीको उत्पादन सुरु गरेको छ। कर्पोरेशनको सहायक कम्पनी 'उपहार हाउजिङ कम्पनी लिमिटेड'ले उक्त प्रविधिको घरहरु निर्माण गरी बिक्री गर्ने उद्देश्यअनुरुप चन्द्रागीरि नगरपालिकास्थित आफ्नै जग्गामा सो कार्यको थालनी गरेको छ।
कम्पनीकाे ५२औं वार्षिक साधारणसभाले नयाँ सञ्चालक समितिको समेत चयन भएकाे छ।
उक्त निर्वाचनबाट लक्ष्मीदास मानन्धर, प्रदिपलाल श्रेष्ठ, कल्याण गोविन्द श्रेष्ठ, किर्ती कुमार जोशी, अतुल मल्ल, अन्जन श्रेष्ठ र राजेन्द्रमान श्रेष्ठ सञ्चालक समितिको सदस्यमा निर्वाचित भएका छन्। नवनिर्वाचित सञ्चालक समितिले लक्ष्मीदास मानन्धरलाई अध्यक्षमा चयन गरेको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
![Nepal Live Samachar नेपाल लाइभ समाचार, जेठ २९ [भिडियाे]](https://nepallive.net/uploads/posts/500X300/samachar++-299-1718118150.jpg)
![Nepal Live Samachar नेपाल लाइभ समाचार, जेठ २७ [भिडियाे]](https://nepallive.net/uploads/posts/500X300/samachar++-1717941479.jpg)
-1730178938.png)
