नेपाल लाइफको ‘घातक रोग सुविधा योजना’ सार्वजनिक

कर्पोरेट

नेपाल लाइभ मंगलबार, चैत १२, २०७५ १०:५०

काठमाडौं– नेपाल लाइफ इन्स्योरेन्स कम्पनीले विभिन्न घातक रोग (क्रिटिकल इल्नेस) को जोखिम बहन गर्ने बिमा योजना सार्वजनिक गरेको छ। कम्पनीले ५० लाख रुपैयाँसम्मको जोखिम वहन हुने ‘घातक रोग सुविधा योजना’ नामक बिमा योजना सार्वजनिक गरेको हो।

कम्पनीका प्रमुख कार्यकारी अधिकृत विवेक झाले सर्वसाधारणलाई घातक रोग लाग्दा आइपर्ने आर्थिक संकटलाई दृष्टिगत गरी यो योजना अघि सारेको बताए।

कम्पनीका अनुसार यो पूरक करार (थप सुविधा) लिएपछि बिमा अवधिमा तोकिएका घातक रोग लागेमा बिमाले जोखिम बहन गर्नेछ। साथै, साविकको योजना भने बिमा अवधिसम्म चालू रहनेछ।

यस पूरक करारले थप जोखिम बहन गर्नेछ। ऐच्छिक सुविधा दिने पूरक करार पहिला कुनै पनि योजनाको जीवन बिमा गरेका बिमित वा नयाँ बिमितले तोकिएका शर्तहरू पूरा गरी यो थप सुविधा लिन सक्नेछन्।

यस योजनामा क्यान्सर, अन्तिम चरणको मिर्गौला विफलता, प्राथमिक पल्मुनरी धमनी उच्च रक्तचाप, सिम्पटम्स मल्टिपल स्क्लेरोसिस, मुख्य अंग प्रत्यारोपण, ओपन चेस्ट सिएबिजी, महाधमनीको शल्यक्रिया, ओपन हार्ट सर्जरी वा मुटुका भल्भहरूको मर्मत, मस्तिष्कघात, माइयोकार्डिअल इन्फ्राक्सन वा पहिलो हृदयाघात, कोमा, पूर्ण अन्धोपन, स्थायी रूपले भएको अंगहरूको पक्षाघात, अन्तिम चरणको कलेजोको विफलता, अन्तिम चरणको फोक्सोसम्बन्धी रोग, अल्जाइमर्स रोग, पार्किन्सन्स रोग, तेस्रो डिग्रीमा पोलेको/डढेको गरी विभिन्न रोगहरू समावेश गरिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

निर्मला कुर्मीको न्यायका लागि प्रदर्शनरत रूबी खान र सरकारबीच सहमति

देशमा असामाजिक क्रियाकलापहरु फस्टाउन दिँदैनौं : प्रधानमन्त्री ओली

साफ च्याम्पियनसिप फाइनलको टिकट बुधबारमात्रै खुला गरिने, अनलाइन बुकिङ रद्द