फिल्म ‘जय शम्भु’का निर्माताले पैसा नतिरेपछि निर्देशक प्रहरी थुनामा

इन्टरटेनमेन्ट लाइभ

नेपाल लाइभ सोमबार, चैत ११, २०७५ १५:१३

काठमाडौं- फिल्म ‘जय शम्भु’का निर्देशक रुपेश तामाङ थिङ पक्राउ परेका छन्। फिल्म निर्माताले प्रोडक्सनको खर्च नतिरि फरार भएपछि निर्देशक तामाङ पक्राउ परेका हुन्। चेक बाउन्सको कुसुरमा तामाङ पक्राउ परेको महानगरीय प्रहरी वृत्त बालाजुका प्रहरी नायब उपरीक्षक बालनरसिंह राणाले जानकारी दिए।

पटक-पटक पारिश्रमिक बापतको रकम माग्दा पनि नदिएपछि पिडित राजेन्द्र रावलले फिल्म सेन्सर रोकी पाउँ भनी नेपाल प्राविधिक संघमा निवेदन दिएका थिए। प्रविधिक संघले केही समय पर्ख भनेपछि उनले ३ महिना कुरेका थिए। तर सो अवधिमा पनि कुनै जवाफ नदिएपछि रावल महानगरीय अपराध महाशाखा हनुमानढोका पुगेका थिए। हनुमान ढोकाले प्रहरी वृत्त बालाजुका लागि पक्राउको पत्र काटेपछि तामाङ पक्राउ परेका हुन्।

तामाङले पैसा दिने दायित्व नभएपनि सुरुमा चेक उनैको नामबाट काटिएको हुनाले तामाङ पक्राउ परेका हुन्।

उनलाई प्रहरी वृत्त बालाजुले गत फागुन १९ गते पक्राउ गरेको हो।

नेपाल लाइभसँग कुरा गर्दै निवेदक रावलले भने, 'मैले चाँहि प्रमाणका आधारमा न्याय मागेको हुँ। तर अन्य धेरै जनाको परिश्रमिक निर्माताले दिएका छैनन्। सुटिङका लागि प्रयोग भएका गाडी तथा अन्य कलाकार तथा छाँयाकारले समेत पैसा पाएका छैनन्।’

यता फिल्मका निर्माताहरु दिनेश साही, अरविनमान शाक्य र चक्र पाख्रिन भने फिल्म निर्देशक तामाङको समेत सम्पर्कबाहिर रहेको बताइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सत्य निरुपण र बेपत्ता आयोगका पदाधिकारी नियुक्त

बेरूजु निरन्तर बढ्दो, राजस्व छुटको तथ्याङ्क संसद्मा पेस गरेर पारदर्शिता कायम गर्न सुझाव

विद्यालयमा हाजिरीविनै दिवा खाजामा २७ करोड खर्च