जनकपुर- विश्व उपभोक्ता दिवसको अवसर पारेर महोत्तरीको बर्दिबास नगरपालिकाले शुक्रबारदेखि बजार अनुगमन सुरु गरेकोे छ। बजार अनुगमनमा बजारका अधिकांश पसलको व्यवसाय दर्ता नवीकरण नभएको भेटिएको छ।
नगरपालिकाका अनुगमन समितिका संयोजक एवम् उपप्रमुख कृष्णमाया गौतमको नेतृत्वमा बर्दिबासको मुख्य बजार क्षेत्रमा गरिएको अनुगमनमा अधिकांश पसलहरुमा अखाद्य, म्याद गुज्रेका सामान बिक्री गरिएकाे भेटिएकाे हाे।
अनुगमनका क्रममा बर्दिबासको मुख्य बजार क्षेत्रमा रहेको काफ्ले किराना पसल, सापकोटा सप्लायर्स, जय माँ पञ्चधुरा होटेल एन्ड गेष्ट हाउसमा म्याद नाघेका सामान र पसलमा मूल्यसूची नराखिएकाे भेटिएको छ।
बजार अनुगमनका क्रममा बर्दिबास नगरपालिकाकी उपप्रमुख कृष्णमाया गौतम नेतृत्वकाे टाेलीले व्यवसायीलाई ३ दिनभित्र पसलमा मूल्यसूची राख्न निर्देशन दिएकाे छ। गौतमका अनुसार ३ दिन भित्र मूल्यसूची नराख्ने र अटेर गरी व्यवसायी सञ्चालन गर्नेलाई नगरपालिकाले कारबाही गर्नेछ।
यसैगरी खाद्य डिभिजन तथा गुण नियन्त्रण कार्यलय महोत्तरीका प्रमुख नविन देउजाले पहिलो पटक नगरपालिकाको आयोजनामा भएको बजार अनुगमनमा अखाद्य वस्तु बिक्री गर्नेलाई सचेत गराइएको र दोश्रो चरणको अनुगमनदेखि अखाद्य वस्तु बिक्री गर्ने व्यवसायीलाई कानुन बमोजिम कारबाही गरिने स्पष्ट पारे।
उनकाअनुसार अहिलेका अनुगमनहरु स्थानीय तह स्वयंकाे निगरानीमा हुने भएकाले प्रचारात्मक मात्रैे नभई व्यवहारमा समेत प्रष्ट देखिने बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768207138.png)
-1768202892.png)
-1764146706.png)
